Nu raltha Foreign Minister Dawizin nih US Foreign Ministry Vice sin ah a chim mi

 

Kawlram thawngpang ruat/ruah ahcun lung a mit ko. Ralkap lei lawng si lo in, Covid ruangah mi tampi an thi cang. Ahlei in Covid ruangah Chinram chungah kan pa le Pathian rian a tuan mi tampi nih mual an kan liam tak cang. Mah bantuk in Covid ruangah mi tampi an thi hnu zongah Kawl ralkap,

Min Aung Hlaing le a uico pawl nih Covid hmangin mipi hna sin ah thil tha lo tampi an tuah tiah thei a si fawn

Nihin ah Foreign Minister Dawzin Mar Aung le US Vice-Foreign Minister cu online meeting an tuah.

National Unity Government of NUG NUG Foreign Minister Dawzin Mar Aung nih US Foreign Ministry Vice Minister Wendy Sherman cu online hmangin kawlram thil sining tampi a chim. US sin ah tu lio kawlram kong le, ASEAN meeting an rak tuah lio ah biakhianak panga (5) an tuah mi tlamtling tein an kalpi khawhnak ding caah le Covid ruangah Myanmar mipi an buai ning vialte kongah a chim i,

NUG foreign minister nih US le International ram hna cu kawlram cu thatein mipi duh ning bantuk in a kal than khawhnak ding caah le Covid in i ven khawhnak ding caah bawmhnak a hal hna. Cred-Khi Tit Media

Thawngpang dang. July thla chung ah KNU brigade 1 le ralhrang phu kar ah kahdohnak voi 22 a cang, ralhrang lei in minung 53 an thi.

KNU brigade 1 hmunhma Doetathung(ဒူသထူ) pengkomh chung ah July thla, thlakhat chung ah kahdohnak voi 22 a cang tiah theih a si. Ralhrang phu lei in minung 53 an thi i, minung 39 cu hliam an tuar ,KNU brigade 1 in minung pakhat cu ram le miphun caah a nunnak a pek tiah theih a si.

Ralhrang phu lei in minung pakhat nih brigade 1 sin ah a sung pek in a hriam a chiah cun M-16 pakhat le 9MM pahnih cu KNLA (brigade -1) nih an lak khawh,

ralhrang motor pahnih zong hrawh piak an si. Ramkulh chung kahdohnak ah ralhrang lei in a thi mi an tam, ralhrang kut tang um mi GE ralkap,sii lei ralkap,ti lei ralkap hna zong hmai ah an fon ter hna tiah ralhrang phu hna he a pehtlai mi sin in theih a si tiah Bago watch new agency nih a tial. Cred-TCP

Be the first to comment on "Nu raltha Foreign Minister Dawizin nih US Foreign Ministry Vice sin ah a chim mi"

Leave a comment

Your email address will not be published.


*