Nungkhuai a pek mi a tlawmtuk tiah Trump an ti mi kongah Trump nih biafiang a chim cang

US President Trump bantuk in Democrat/left pawl nih an soisel le thangchiat mi hi an um lai lo, Trump mualpho in a um khonak ding caah le President caa thim tthan a si lonak ding lam lan kawl tuk caah thil tha a si maw si lo ti zong an thei cang

Mah Chinpage ah nifatin US thawngpang 4/5 ka tial peng caah, US thawngpang ni fatin a thei duh mi le rel duh mi nih Chinpage hi like/comment vun tuah law, nifatin US thawngpang an rel/thei kho peng lai tinak a si

Democrat/Left pawl nih Trump mualpho nak ding caah thawngpang linsa tuk mi an vun chuahpi tthan hoi cang. The New York Times, leftist, Liberal media nih khawihka in dah mah bantuk thawngpang hi an thei i, an vun chuahpi ti cu thei fiang a si lo

The New York Times nih a langter ning ah cun , Kum 2016 ah Donald Trump nih White House ah nawlngeinak a tlaih hnuh ah kum 2016-2017 ah Federal tax $750 (£587) lawng a pek tiah a vun lang ter hoi cang.

Trump Empire nih mah bantuk Tax $750 (£587) Federal income tax ah a pek mi zoh a cun atlawm tuk hrinhrang. The New York Times nih a langter ning a cun President Trump nih hin kum 10-15 chung cu Income Tax a rak pek bal lo tiah a langter chap

President Trump nih White House ah tax a pek tawn ning a chim, “Tax hi ka pek peng, Tax pek lo in ka um bal lo. Tax returns audit tuah lio a si, Audit cu income Tax nih an vunglar hnuah nan thil sining vialte cu nan thei dih ko lai. IRS [Internal Revenue Service] pawl nih hin President ka si ruan ah an ka upat hlei lo’ tiah a chim

President Trump Tax return thei ding in Democrat pawl nih ceilak in an nih cawlhcang, Kum 1970’s thawk in President a rak si cang mi lakah Tax returns a langter tha duh lo bik mi a si.

The New York Times nih cun mah bantuk thawngpang an theinak source hi zumtlak ngai mi a si tiah an chim. Tuesday ah Cleveland ah President Trump le Joe Biden cu Debate an tuah cang lai. Debate tuah a si cang lai caah Trump zong timhtuanak angei lio a si

President Trump nih  a chim ning a cun, Trump Organization nih cun tangka tampi an sungh cawng.  President nih 434.9m leng sungh bantuk in a chim lio ah, NYT nih $47.4m lawng a sung tiah a chim tthan.

Trump doh le soisel le leftist pawl caah rawl tha bik a si caah Trump zong a buai tak tak. US President si hi zeitluk in dah a har lai. Source-BBC

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Nungkhuai a pek mi a tlawmtuk tiah Trump an ti mi kongah Trump nih biafiang a chim cang"

Leave a comment

Your email address will not be published.


*