Obama nih a rak tuah duh lo mi, Minak pa cu Trump nih zungzal in a ngaithiam cang

Uar um tuk ee. thil tha lo le soiselnak vialte cu thil tha le a hman mi hmang in a leh tuah thluamah ko, Republican convention zan 2 nak ah President nih thil sunglawi tuk mi minak pa cungah a tuah than. Democrat pawl mak an ti tuk cang, an lau tuk cang. Trump rian ttuan ning hi cu uar um chin lengmang ko

Mah Chinpage ah US thawngpang ni fatin 4/5 ka ttial peng caah, US thawngpang thei an duh a cun mah Chinpage hi like/follow vun tuah law, US thawngpang na rel khawh peng lai tinak si

Trump nih Jon Ponder a ngaithiam, Jon ponder cu New York khualipi ah um mi a si, New York ah gangs pawl ah member pakhat a si ve, Amah hi Drug le zuu addicted mi a rak si. Kum 12 a si lio ah palik nih zuu le drugh ruan ah an rak tlaih cang mi a si. kum 25 hrawng hi thawnginn ah a rak um cang

Cun federal/cozah thawnginn nganpi ah kum 23 chia ding in a kawng ceipiak a si, natein kum 5 lawng a rak um, Kum 2004 lio ah an rak tlaih cia mi a si. Thawnginn ah a um lio ah a nun cu a thleng dih i, Thawnginn chungah “Hope for Prisoners” ti mi bu cu a rak dir

Mah “Hope for Prisoners” hmang in mi tampi nun a thleng, Mah Hope for Prisoner hmangin mi tampi thawnginn ah um mi kha a cawng piak tawn hna i, minung 3100 leng cu US ram le mipi caah/Social activist/ si ding in nunthar an ngei cang

Hope for prison hi kum 1 le thla 6 program a si, Mah hi kum 2009 in rak rak dirmi a si. Mah hope for prisoner a dir hnu ah thawnginn ah um mi tampi cu an ziaza, nun a thleng cang caah Jon Ponder cu a rian ttuan ning le thawnginn ah um mi, mi tampi nun i thleng khawhnak ding caah rian a ttuan caah President Trump nih a uar ngai mi a si

Trump nih a chim mi cu, Hope for Prison hi, thawnginn chung hmetah in rak dir mi a si. Hope for prison hi US mipi dream a si, A rak dir lio ah cun a hmete na in, atu cu vawlei pi thei ding in le mi nun tampi thleng ding in le mipi caah rian ttuan tu tha si ding in lam a kan hmuh sak tu a si cang.

Mah bantuk minung hna hi ram le mipi nih caan ttha (second chance) kan ser piak hna a her. An sualnak vialte kha kan ngaithiam hna i, US ram caah rian ttuan ding inkan cohlan a her tiah White House in a ngaithiamnak kong he a chim

Amah Ponder hi New York ah a thang mi a si, kum 16 a si lio ah hrianmam a fir caah tlaih a si. Drug le alcohol le bank ah tangka fir ruangah Cozah/Federal thawngiin lei ah chia ding ti a si. Cozah thawnginn ah an chia hlan ah state Jail ah kum 20 hrawng a rak um cang mi a si. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Obama nih a rak tuah duh lo mi, Minak pa cu Trump nih zungzal in a ngaithiam cang"

Leave a comment

Your email address will not be published.


*