Pathian huhphenhnak kan her, fakpi in thlacam hna u si- President Trump (Adang bia chim mi zong tha tak tak)

Coronavirus nih kan vawlei ram a hnahnawh kho ning le mi tampi nunnak a lak cang ning zoh ah cun hna a ngam kho hrim lo. Pathian i bohchan dah ti lo cun minung lei cun zeihman tuah khawh a si ti lo. Coronavirus ruangah a dam tthan mi zong an zawt than lengmang. Atutiang Coronavirus ruangah a a zawtmi cu 1,015,728 an phan cang i a thimi hi 53203 an si cang i. A damthan mi hi 212991 an si cang

USA dirhmun kan zoh ah cun ngaihchiat bak si cang. Coronavirus ruangah a zawtmi tambik na ram a si cang. Atu hi 245088 an phan cang. Athimi zat hi 6075 an si cang. A dam than mi zat hi 10403 an si. USA dirhmun cu mah bantuk in a si cang caah President Trump nih USA mipi sin ah Pathian sin ah thazang an ngei khawhnak ding caah bia a chim

President Tump nih USA mipi cu ara ding mi ningani ah Pathian sin ah fakpi in thlacam ding in a sawm hna. Mah bantuk thil a si lio ah hin Pathian huhphennak kan ngei khawhnak ding caah fakpi in thlacam hna u si tiin USA mipi sin ah thazang peknak he a sawm hna

Zeibantuk thil a si zong ah, zeibantuk thil na cungah a phan zong ah, Pathian sin ah fakpi in thlacam hna u sih. Mah bantuk in lungrual tein Pathian lei zoh in thla kan cam ah cun mah coronavirus hi kan tei hrim hrim lai tiin a chim hn