US Nih WHO A Chuah Taak “World Health Organization cu Tuluk cozah nih an control mi a si cang caah US nih kan chuah taak cang lai,” tiah nizan ah President Trump nih White House i Rose Garden ah a chim.
Tuluk cozah nih kum khat ah US$ 40 million te lawng an pek lio ah US nih kum khat ah US$ 450 kan pek nain Tuluk nih WHO cu a duh poah in a control caah a fair lo tukmi a si. WHO ah thlennak reform tuah dingah kan hal nain mah zong cu an tuah duh fawn lo. Cu ruangah WHO in kan chuahnak a si” tiah a chim.
Taiwan cozah nih Coronavirus cu minung le minung i chonh khawhmi a si tiah WHO cu March thla chungah khan ralrinnak report a rak pek nain WHO nih zei ah an rel piak hna lo. Asinain Tuluk cozah nih minung le minung i chonh khawhmi zawtnak a si lo a timi tu kha biapi deuh ah an chiah. Taiwan nih Tuluk sining an rak theih cang caah an i ralring i atu tiangah a zawmi an um lo ti awk a si.
President Trump nih Tuluk ram in US universities ah sianginn a kai i, Tuluk cozah le ralkap caah a thlite in research a tuahmi vialte le student visa kan pek ciami hna zong kan laak piak than dih hna lai” a ti. US ah Tuluk cozah le ralkap he a pehtlaimi siangngakchia minung 3000 renglo um dawh an si. Mah hna pawl nih US cozah riantuannak information pawl an fir, technology zong an fir i, copy zong an tuah i an fir i, Tuluk ram ah an kuat lengmang ti a si. Atu hi FBI nih hlathlainak an tuah lio a si i, Tuluk cozah caah a thli tein rian a tuanmi siangngakchia zeimawzet cu kuat colh an si lai tiah zumh a si. Credit- Salai Lairamthang
Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.
Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor
Leave a comment