Pathian thil tuah kho ning hi a mak tuk hrinhrang ee!!! Coronavirus in a zawtmi, a thi lai tiah an zum mi, ventilator a hmang cang mi Pathian nih a damter ning

Coronavirus zawtnak in kan vawlei cung cu fakpi in a hninhter lio ah Pathian sungparnak tampi hmuh ding in Pathian nih athil khonak a langter ve lengmang. Vawilei cungah Coronavirus in a zawtmi hi 1,780,356 an phan cang. 108,828 an thi cang i, 404,032 an dam ttan cang, Natein thawngpang chia ngai mi cu mah a dam tthan mi hna hi an zawt tthan ve lengmang le abuai tak tak. Pathian lo cun minung lei ah cun zeihman tuah khawh ding a si ti lo ti a fiang ngai. Atutiang mah zawtnak sii hi serh khawh a si lo. Damnak hi Pathian kut ah lawng a um. Pathian ah i bochan chin hna u si.

Mah Pathian thil tuah khuaruahhar hi GODTv nih a tial mi a si. A min le sining langter a siang lo caah a ttial ning bantuk in kan vut leh lai caah ca reltu vialte sin ah theithiamnak kan halnak. Englisth in a rel duh mi nan um ah cun GODTv.com ah khan fiangtein rel khawh in a um

Ni 25 March ah khan rianttuan hawi ni a vun ka call i, a hawithabik fapa caah thlacam piak ding in a ka sawm. Mah hngakchia hi C-19 zawtnak in siizung ah zohkhen lio a si i. A lung ah coronavirus zawtnak nih tampi a hrawh cang caah Ventilator hmangah zohkhen lawng kha lam a um cang. A fapa cu a dam kho lai ti kha a zum ti lo i,  Minung lei ah zoh ah cun zeihman ruahchannak a um ti lo. Cun ka hawinu he cun a dam khawhnak caah le Pathian Thlarau a cungah a um khawhnak caah thla kan cam piak.

Tuni ah ka hawinu nih a ka chawn i, thla kan cam piak hnuah khan a lung cu thatein rian a ttuan cang i, Sibawi pawl zong nih thatein an zohkhen khawh cang hna. Atu hi oxygen a her ti lo i, a khuasik vialte a dih cang i. A rau hlan ah inn lei ah an lawi cang lai. A sunglawi tak tak. Mah hi GODTv nih a ttial mi a si. Zumtu hna fakpi in thla cam kan her lio a si. Pathian nih zumtu hna thlacamnak le mittli hi a zoh sawh sawh lai lo. Zumtu thlacamnak hi Pathian nih a theih peng.

Ka min in kawhmi ka mi hna nih khan an lung an thumh i thla an cam i ka hmai kha an kawl i an lam thalo khan an i mer ahcun, van khin ka run theih lai i an sualnak cu ka ngaithiam hna lai i an sualnak cu ka ngaithiam hna lai i an ram cu ka damter lai. 2 Chanrelnak 7:14

 

 

Be the first to comment on "Pathian thil tuah kho ning hi a mak tuk hrinhrang ee!!! Coronavirus in a zawtmi, a thi lai tiah an zum mi, ventilator a hmang cang mi Pathian nih a damter ning"

Leave a comment

Your email address will not be published.


*