Pathian zumtu kan si, zumnak in a kal mi kan si; Coronavirus nih a kan tei lai lo- Scott Morrison (Australia PM)

Australia Prime Minister Scott Morrision nih Coronavirus nih a kan tei lai lo. Zumtu kan si, zumnak in a kal mi kan si. Mah zawtnak hi kan tei hrim hrim lai tiin a rian ttuanti hawi le he fakpi in Australia mipi caah rian an ttuan lio a si. Australia ah hin a damlo mi 6,052 an phan cang i, a thimi hi minung 50 lawng an si

Chinmi tampi umnak Australia PM Morrison nih coronavirus ruangah Autralia mipi sin ah bia chimnak a ngei. A bia chimmi a thatuk hrinhrang. Vawleicung cu coronavirus ruangah muinak khur ah a kan lut pi cang. A thimi le damlomi an tam tuk caah mikip nih kan Pathian kan au thluamah cang. Pathian lawng si kan himnak lungpi a si tiin Pathian hmai kan kawl cio. Coronavirus ruangah vawlei cung ah harnak le muinak in a khat cang ko. Athimi zat hi 88518 an phan cang i, a zawtmi 1519012 an phan cang. A dam tthan  mi hi 330697 an si cang

Australia kan zoh ah cun a zawtmi zat hi 5137 an si i, athimi zat hi 25 lawng an si. Ramdang he tachun ah cun a thimi an tlawm ngai ti khawh a si. Mah bantuk in Australia dirhmun a si lio ah Australia Prime Minister Scott Morrison nih mah bantuk caan chia, Thinak in mikip cungah rian a ttuan lio ah keimah le ka innchungkhar caah cun zumnak hi hmailei kan kalnak ah lam hruaitu pawimawh hmasak bik a si. Kan in hngatchan a um mi thil pakhat lawng lawng cu mah zumnak hi a si tiin a chim.

Innchungkhar hna hi kan i khat dih lai lo, natein Australia innchungkhar vialte hna u, pakhat le pakhat zawnruahnak ngei bu in mah caan chia hi teihkhawh i zuam hna u si” tiin Australia mipi vialte via a cahna. Zeizong a tuah kho tu, Zeizong vialte cungah nawlngeitu, Van le vawlei Siangpahrang  Australia nih kan ngei hi kan hnangamnak a si