Poll ah Trump nih Joe Biden a tei thluamah cang ko hi. Minak nih Trump an duh ning cu amak tak tak cang ko hi

Poll ah Joe Biden nih Trump a teinak longte kan hmuh kan rel tikah, Joe Biden nih Trump hi a tei tak tak ko lai tiah a zum mi tampi zong kan um khoh men. Tu Poll ka vun langter mi hi Democrat a dirkam mi Media nih an langter duh lo mi lawngte a si lai ti kha vun phih hla

US thawngpang hi na rel duh ah cun mah Chinpage hi like/follow vun tuah law, ni khatah US thawngpang hi 3/4 ka ttial peng i, ka News ttial mi hi Democrat lei a dirpi ngai mi a si lo i, News hman tein a ttial tawn mi FOXNEWS le a dang a si lai

Aluancia zar ah Poll kha langter a her ka ti i, tu ka vun langter ding mi hi poll a thar bik a si ti kha ka vun chim chap duh. National le State (Battleground State) tiah thei mi ah Trump nih Joe Biden cu a tei lio a si

The Sunday Express Newspaper le The Democratic Institute nih Survey an langter mi ah cun Trump nih 48% to 46% hmangin Joe Biden a tei. Overall ah  Trump nih 48% a hmuh lio ah Joe Biden nih 46% a hmuh, 6% nih Trump maw Biden ti kha an chim khawh lo.

Tu lio hi minak nih Trump an uar tuk lio caan aphan i, Kum 2016 ah Trump nih minak/Black Votes 8% lawng a hmuh, Natein kum 2020 survey ah cun minak/black  20% nih Trump an vote lai ti an chim cang. Kum 2016 nak in 12% in an tam deuh tinak a si.

Mah hi October ah cun akai chin lai ti zum a si. Hispanic 51% nih Biden an duh  lio ah Trump cu 38% an duh, Kum 2016 nak in kum 2020 ah cun Hispanic pawl Trump ka vote ti mi an tam deuh fawn

Battleground an ti mi, Florida, Iowa, Michigan, Minnesota, Pennsylvania, le Wisconsin ah Trump nih 48% a hmuh lio ah Joe Biden nih 43% a hmuh ve

Survey nih a langter ning ah cun Trump nih Electoral College 309a a hmuh lio ah Joe Biden nih 299 a hmuh. Trump cu President caah thim tthan a si lai tiah alanger.

Rassmussen Poll a thar bik ah cun 51% Approval Rating Donald Trump a si. Credit- The Sunday Express Newspaper & The Democratic Institute survey & Rassmussen

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Poll ah Trump nih Joe Biden a tei thluamah cang ko hi. Minak nih Trump an duh ning cu amak tak tak cang ko hi"

Leave a comment

Your email address will not be published.


*