Pope nih kawl ralkap hna a phomh ve cang. A bia cu ngaichia bak si ko

Vawlei cung minung lakah an uar bik mi ah a tel ve mi, Politic le biaknak lei ah RC lei in pa bik a si mi Pope zong nih kawl ralkap pawl thil tuah ning kong ah a lung fak ning a chim ve cang

Pope nih a chim ning a cun, Kawl minung bantuk in, tu  tan thil a cang mi kongah ka lung a fak ve tiin a chim.

Zarhpi ni February Ni 7 ah, vawlei cung ramkip thei ding in tu tan kawlram thil a cang mi kongah ma bia hi a chim.

Kawl ralkap nih tha tein, Burma ram ah Democracy a um khawhnak ding caah le mipi hna, lungkhat tein an um than khawh nak ding caah rian an tuan a her tiin a chim

St. Peter’s Square, Vatican in a chim mi a si, A chim than ning a cun, kum 2017, kawlram a va tlawng hnuah, Myanmar ram cu a lung ah a cam ngai tiin a chim

Atu hi kawlram ah, mipi nih kawl ralkap duh lonak langternak heh tiah an tuah lio a si. Mah bantuk in an tuah hnuah kawl ralkap nih social media hna cu hmang kho lo in a tuah hna

Natein mipi lei nih lam heh tiah an kawl ve i, atu hi a buai chin lengmang caaah zeibantuk dirhmun dah an phan lai ti cu vawlei cung ramkip nih an zoh cuamah lio a si. Source-Reuters

Be the first to comment on "Pope nih kawl ralkap hna a phomh ve cang. A bia cu ngaichia bak si ko"

Leave a comment

Your email address will not be published.


*