President caah thawngtha bak si ko; Pathian nih a dirpi ning a lang thluamah cang ko hi

Pathian nih Trump a dirpi nih a lang chin lengmang cang ko hi. Catholic nih an nih bohchantuk mi le a lar ngai mi le mi nih an uar ngai mi nih President Trump ca a kuat. President Trump kongah kan thei tambik le rel tambik cu soiselnak le thangchiatnak lawngte si. Coronavirus si seh, Minak pa thinak si seh, thil dang dang kong zongah Trump soiselnak le thangchiatnak kong lawngte a si

  Carlo Maria Viganò, Catholic archbishop nih President ca a kuat. Carlo Maria Viganò nih cun Coronavirus pandemic le George Floyd protests a tlung mi hi President Trump re-election caah buainak pakhat a si bantuk in a thei. Ca a kuat mi cu-

“Society ah hin Mr President lam pahnih in a kal mi kan um, mah thil pahnih hi zeitik caan poah ral a si zungzal mi a si, zeitik caan poah arem khawh ti lo ding mi an si. Society pakhat cu Pathian lei lam zulh ah a kal mi a si. Society pahnihnak cu Setan lei ah a zul mi lam, le rawngbawl tu hna hi an si. Society pahnih nak hi buainak le i soiselnak a kawl peng mi an si.

Mi rian ttuan mi poah soisel le thangchiat lawngte hi an rian a si. Zeitik caan poah ah mi fakpi in phomh hmang mi le mi zeirel lo mi hna, an pawngah zeihman thil tha tuah zong ah a thei thiam lo mi hna an si. Mah Covid zawtnak a chuaknak zong hi ahnuah a vun fiang te ko lai. Mah bantuk in minung akan buaitertu ruang hi thei a si hrim ko lai

Mah rai hi dawnnak caan a phan te ko lai. Mah bantuk minung cungah buainak a tlungtertu hi thei lo in kan um lai lo. Mah bantuk minung cungah buainak le harnak a tlungtertu cungah thil pakhat khat cu a tlung te hrim lai. Mi cheu nih cun BLM street Protests hmang in Presidential election ah Re-election lonak ding caah lam an kawl i, natein Presidential elections hlawhtling ter lo i mah bantuk i timnak a ngei mi Deep State pawl hna nih an nih tim mi hi a tlamtling lai lo

Viganò nih President Trump cu deep church pawl nih an kal tak lo ning a vun fiangter tthan i, Pope John Paul II zuk le St. John’s church Washington, D.C. hma ah Bible keng bu in hmang a thlak mi a soiseltu hna cu fakpi in a phomh tthan hna

Mah Deep state pawl vawlei cungah anmah lawng lawng cungnungbik ah a ruah mi hna nih hin (New World Order) ram dang vialte cungah keimah hi ka thawngbik ti bantuk in midang thil tuah mi poah an soisel. Khrifa dik nih cun mi nih Pathian a hmuh ning le a biak ning hi i soisel le thangchiatnak caah an hmang bal lo. Khawi hmun ah si seh, School ah zong, Church ah zong mi kip nih minung kan sinak kan langter ning hi a khat cio lo; tiin President Trump cu fakpi in a dirpi. Credit-President Twitter

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President caah thawngtha bak si ko; Pathian nih a dirpi ning a lang thluamah cang ko hi"

Leave a comment

Your email address will not be published.


*