President Joe Biden ruangah Democrat pawl lilah an buai cang

A fiang chin lengmang cang ko, President Joe Biden sining cu a vun fiang chin lengmang cang ko hi, Pasal tha hna cu caan harsat bik ah hin an sining a lang tawn tian an ti mi kha a si.

President Joe Biden zong atu cu a sining fiangtein a lang cuamah cang.

US mipi nih an duh lo ning a zual tuk cang si lai, an mah Democrat pawl lilah hman nih an si kho bak ti lo,

mah bantuk in President thawng lotuk mi kan ngei mi cu tiin an lungtling lonak heh tiah an chim cuamah cang. A luan cia thlaruk hrawng kha cu President Joe Biden’s approval rating kha 50%  hrawng a si. Mah 50% hi cu a zah ngai ko riah an ti tawn mi a si.

Natein caan harsat bik a vun tawn ve cang i,  August Afghanistan Withdrawal hnuah President Joe Biden approval rating cu zoh ngam ding hman si ti lo.

Mah lawng si lo, Covid kha thlathum hnuah ka dawngter lai tiah arak chim kha, natein zeihman a si hlei lo ti fiang cik cek in an thei cang.

Delta Variants ruangah US mipi harnak fakpi an tawn chin lengmang ve cang, Vaccines la duh lo an tam ngai, Federal Government riantuan mi vialte vaccines nan lak dih lai tiah nawlh a chuah, Southern Border illegal migrants (Phunglam loin US ram chungah a lutter mi an tam tuk caah) President Joe Biden approvatel rating cu zoh ngam hman a si ti lo.

Economy Approval 39% , Disapproval 55. Commander in Chief Approval 37% Disapproval 58%. Foreign Policy Approval 23% Disapproval 67%.

Presidential approval rating US mipi nih biapi ah an chia mi a si, A rian tuan ning mipi nih an duh maw duh lo ti langter nak a si caah.

President Joe Biden approval rating a niam tuk caah kum 2022 Midterms elections ah Democrat pawl nih House ah an sungh lai ti an ti ngai cang. Kum 2018 Midterms ah Democrats pawl nih President Trump approval an hrawh piak ngai kha,Kum 2020 November election ah thil sining fiangtein kan hmuh cang kha.

Cucaah President Joe Biden rian tuan ning a duh lo mi an tam tuk caah Democrat pawl zong President Trump cungah an lung a tling ti lo i heh tiah an zai cang. Cred-RTK

Kawlram thawngpang….October ni 9 zing suimilam 9 hrawng ah Karen ramthen, Kawkareik peng, Asia lampi pawng ,

Htaw Naw tisor helchum ah Ralhrang Khah – Mah – Yah 552 le KNLA Brigade 6 kar ah kahdoh nak achuak i Ralhrang 3 an thi. KNLA Brigade 6 ralkap phu hna an um nak hmunhma pawng hrawng ah nizan October 8 ni zong ah ralhrang phu hna an rak cawlcangh nak kong le tuzing kahdoh nak kong cu KNU nih athanh.

” Tuzing kahdoh nak ah KNLA lei in athi mi le ahliam an um lo ” tiah KNLA Ralkap pakhat nih achim.

October 1 ni ah Kawkareih khua pawng Nichuak tlanglei ramthen uktu Buchoh Ko Ko Mg khuallam caah hmun him nak ala tu ralhrang hna cu DKBA phu then pakhat nih tuzing Suimilam 9:00 hrawng ah an kah hna i G1 reng tel in minung 5 an thi. Hi thil acan hnu ah ralhrang lei nih ralkap thazaang tam pi an chap tiah kan theih.Cre- Khit Thit Media

Be the first to comment on "President Joe Biden ruangah Democrat pawl lilah an buai cang"

Leave a comment

Your email address will not be published.


*