President ralthat ning hi cu!! China dantatnak caah China nih a uapi ngai mi Huawei company cu ceilak in dan a tat hoi cang lai

A thawngdeuh mi cu a fiang chin lengmang cang ko lai i, US nih China cu zaangfah a tim ti lo ti a fiang cang. US Commerce Deparment lei nih, China dantaknak ding caah, China nih a uapi tuk mi Huawei company cu dantat ding in tim tuahnak an ngei cang.

(Tahchunnak ah Huawei company nih an ser mi mobile chungah google hi USA nih an phih ah cun Huawei company cu a dih si ko, mah bantuk tete ah hin USA nih a duh ah cun fakpi in a hrem khawh mi a si. Natein zeibantuk dantatnak maw ti cu fiangtein an chim lo)

China technology Giant Huawai nih hin American Technologies tel lo in Semi Conductors pakhat hman a tuah thiam lo. Mah bantuk in USA nih China hrem a tim caah China nih USA cu a vun soisel tthan hoi. China foreign Ministry nih a chim ning ah cun USA hi a um sawh sawh thiam ti lo.

Huawei & Chinese enterprise caah mah bantuk buainak tuah hi zeihman thil tha a chuapi mi um lo, Global Manufacturing, suply & value Chain tampi hrawh tu a si. Chinese firms, legal right & interest harnak an tuah tiin fakpi in a phom tthan. Source- Economictimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President ralthat ning hi cu!! China dantatnak caah China nih a uapi ngai mi Huawei company cu ceilak in dan a tat hoi cang lai"

Leave a comment

Your email address will not be published.


*