President Trump a buai chin lengmang; Fakpi in thlacam bawmh a her tuk cang

Election a nai thluamah cang caah Parties nih teinak an nga khawhnak ding caah fakpi in an nih zuam lio a si. President Trump nih Tulsa, Oklahoma ah Rally/Campaign cu a voikhatnak ding caah a thawk cang. A bia chim mi ah soisel le thangchiat a si ngai. Mah kong hi cu ‘Chinpage’ ah fiangtein kan tial cang

Presidential Election ah John Bolton, the former national Security Advisor nih President Trump MEE ka pek lai lo tiah ABC Interview ah fiangtein a chim. A cauk tial mi, ‘The Room Where It Happened”  ti mi promote a tuahnak a, America ah Term khat lawng Donald Trump hi President a si lai tiah ka zum. Trump hi thim tthan a si ah cun America cu a rawk dih cang lai” tiah a chim

ABC News chief global affairs correspondent Martha Raddatz hmai ah “Donald Trump hi President si tlak a si lo in ka thei lo. President Office ah thut ding in a tlak lo.’ Mah bantuk rian ttuan ding mi cu a tlak hrim hrim lo. November Election ah ka vote lai lo. Joe Biden zong ka vote lai lo. Conservative republican pakhat khat Presidential caah ka forh hna lai,” tiah a chim

Sunday Daily Telegraph report nih a langter ning ah cun kum 2016 lio ah John Bolton nih President Trump mee a rak pek mi cu a chir tak tak, a pawngah rian ka vun ttuan ti cu hruaitu caah a tlak lo tiah John Bolton nih a chim tiah alangter

Natein Sunday Evening, Boltonspokewoman Sar nih  Tinsley CNN sin ah, nan bia le hla hmuh mi kha a dik lo, John Bolton nih Trum maw Joe Biden maw vote a tim lo” tiah a chim mi lawng si ko tiah a vun chim tthan. Credit-ABC, CNN, Sunday Daily Telegraph

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump a buai chin lengmang; Fakpi in thlacam bawmh a her tuk cang"

Leave a comment

Your email address will not be published.


*