Chinmi cheuh khat chu mah bantuk in thil tuah tawn mi Democrat lei ah a dirkam mi kan um hoi cu aw, Pathian nih USA hruaitu caah President tha a pek mi fakpi in a doh mi an um hoi cu aw, Pathian hi an ti lo maw?
President Donald Trump a dohtu, democrats an si lai tiah zumhmi hna nih New York khua i, Donald Trump international hotel hmai ah mithi ruak bantuk in an sanhmi plastic bag pawl an rak pon hnawh hna. Mah plastic bag chung ahcun ICE [U.S. Immigration and Customs Enforcement] nih an tlaihmi hna virus ruangah a thimi pawl an si tiah an tial.
President Donald Trump nih mah kongah twitter ti hin a tial. ” They were RUDE and NASTY. This is their political playbook, and they will use it right up to the election on November 3rd.” An thil tuahmi hi zohchia khenhru le fihnung taktak a si. November thimnak caah politics an i ceihmi a si” tiah a chim.
New York khua hi liberal democrats pawl an ruh biknak khua a si. Nau sem a cangmi tiang in thahnak phung a ngeimi state an si. US ah phungning loin a lutmi pawl zong motor monghnak driving license tiang a chuah piakmi hna state a si Phungning lo a lutmi pawl an i bunnak le an zohkhehnak hna sanctuary city ti zongah auhmi khua a si.
New York khua hi US ah minung an chah biknak khua a si caah coronavirus a thimminung minung 17131 an si cang. US rampi chung i na thimi 45% tluk cu New York khua in a si.-Salai Lairamthang
Be the first to comment on "President Trump an tuah ning cu zaangfah bak si ko; A hotel hmaiah miruak tampi an chiah"