President Trump bia chim mi cu a dik tuk hrinhrang. China nih zeitin dah a phising te lai

President Trump bia chim mi cu a dik tak tak, China nih zeitindah a phising te lai ti vawlei ramkip nih an zoh cang. Tu ni President Trump le cabinet meeting tuah nak ah, Frustration a ngei mi a tam ti a fiang ngai. Thla 22 leng US le China Trade war hnuah January ah Trade deal an  tuah. Mah trade deal ah hin President Trump duh ning bantuk in tuah a si. Coronavirus ruangah USA minung 92000 leng an thi cang. 1.5 million leng nih mah zawtnak hi an ngei cang

January ah US le China Trade deal ah China nih US, Goods USD 200 billion leng kum 2020-2021 ah kan cawk lai ti a si. President Trump nih a chim ning ah cun a luangcia thla 3 ah Trade deal kan tuah mi le tu ka lungput cu adang tak tak cang. Zeidah a tlung ti kan zoh lai cu. Mah bantuk rai zawtnak kan tawn mi hi lunglawmnak pakhat hman ka ngei hrim lo. Mah thil hi a tlung dig mi a si hrim lo. I ven khawh tuk mi a si.

Trade Deal kan tuah dih hnuah khan keimah zong ka lawm tak tak. Thil poah hi a that lei in a zoh mi ka si. Natein China nih virus cu USA ram chungah a vun kuat. Mah rai hi rangtuk in a tlung. Mah bantuk thil hi zeitindah an tuah ning si? Amak ngai mi cu China ram hmun dangah mah rai ruangah a zawtmi le thimi um tung lo i, USA le vawlei cung ramkip ah zeitin dah a phan khawh ning si? Wuhan lawng ah mah zawtnak hi a um i China hmun dang cu zeitin an ven khawh ning si. Beijing nih mah zawtnak hi a ngei lo. Cun China hmun dang ah mah zawtnak hi hmuh a si lo? tiin Trump nih China thil tuah ning cu fakpi in a soisel tthan. Credit- RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump bia chim mi cu a dik tuk hrinhrang. China nih zeitin dah a phising te lai"

Leave a comment

Your email address will not be published.


*