President Trump bia chimmi cu a pasal bak ko; Toidawr tein an um tthan hnuah President Trump nih a zaangfah than hna i Governor pawl cu nawlngeihnak a pek tthan hna

Trump bantuk President pasal ttha le USA mipi a dawttu hi cu an um ti lai lo ti kho si. USA President Donald Trump hi cu ti sawhsawh ding a si lo ti a fiang thluamah cang ko. TV le Media ah fakpi in an soisel an phomh hnuah a soisel tu le aphomhtu lilah ningzak thanchiat in an um ko.

Coronavirus ruangah US cu a buai tak tak cang i, Great Depression hnuah atu bantuk in USA hi a buai bal lo, Atu Coronavirus ruangah USA a buai ning hi cu mithiam pawl nih an chim ning ah cun hnunglei ah kir tthan bantuk khi a si an ti cang.

Atu biapibik in a chia mi USA economy a hrawh ding mi hi a si. Mah kawng ah hin President Trump nih fakpi in rian a ttuan lio a si i, Coronavirus dohpa in USA Economy a hrawh tuk lonak ding caah rian ttuan pa ding in US reopening nak ding caah fakpi in rian a ttuan lio a si.


New York City Governor Cuomo le midang Democrats Governors 8 hna cu anmah nih in lam an i kawl ve i ‘Coronavirus Corridor’ an serh. President Trump nih America reopening ding nawlngeinak vialte ka ngei dih (Absolute power) tiin a chim.

NYC Coumo le a hawi nih “phunglampi kan nei, Siangpahrang kan ngei lo” (We have the Constitution, We don’t have Kings) tiin America reopening dingmi kongah President nih amah lawngin rian attuan awk a si lo tiin fakpi in an soisel

NYC Andrew Cuomo nih President Trump cu  hruhnak phun khat ‘schizophrenic’ tiin CNN ah fakpi in a phomh. President Trump nih amah duh ning bantuk tein America reopening tuah a tim ah cun  Court ah doh a tim. Boruak a sang tak tak, mah bantuk in USA ram hruaitu an buai lio ah mipi hna cu ni fatin an thi thluamah, natein President Trump nih cun tilawng haotu bantuk ka si a ti.

NYC Cuomo le Democrats Governor dang pawl nih American Constitution bantuk in zeitin State Government nih nawl kan ngei ve kho nak din lam a um tiin fakpi in ceih tinak an ngei. Ahnuah New York Cuomo nih President Trump hi ka ralchanh lai lo, i theithiam lo caan cu kan ngei, natein thatein kan ceih than tawn tiin a chim, mah bantuk in bia le hla a um hnuah President Trump nih State rian ttuantu hna cu zaangfah tthan hna caah America Reopening cu an mah nawlngei nak ah a chia than.

Mah bantuk in thil a si lio ah lawmaker pathum nih cun President nih Total Authority ka ngei tia a chim ruangah dantat ding in Court ah kan chuahpilai an ti. President Trump bia chim mi “”Tell the Democrat Governors that “Mutiny On The Bounty” was one of my all time favorite movies. A good old fashioned mutiny every now and then is an exciting and invigorating thing to watch, especially when the mutineers need so much from the Captain.”

 

Be the first to comment on "President Trump bia chimmi cu a pasal bak ko; Toidawr tein an um tthan hnuah President Trump nih a zaangfah than hna i Governor pawl cu nawlngeihnak a pek tthan hna"

Leave a comment

Your email address will not be published.


*