President Trump caah thawngtha tak tak; USA mipi nih President a si than khawhnak ding caah Tangka an hlut mi cu a tam tak tak

President Trump cu Democrat pawl nih fakpi in an soisel i an thangchiat. President Term hnihnak a peh sual lai ti an tih tak tak. A ruang cu Trump nih President a peh tthan ah cun Democrat pawl caah cun mangchia bantuk khi si cang lai. Mah konghi ttial ka tim lo. Atu lio ah Trump kongah thawngpang tha bik le President caah thim than a si ko lai tiah an tinak ruang pakhat

The co-chair of Trump Victory Indian-American Finance Committee, Al Mason nih a chim ning ah cun, “President nih hin, American ram chungah um mi minung 325 million vengtu lawng a si lo, humanitarian commander-in-chief zong a si, American mipi cungah dawtnak fakpi a ngei mi President a si hlei ah, America cu hmai lei akar thluamah khawhnak ding caah fakpi in a zuam mi a si tiin a chim. Made in China, Coranavirus pandemic cu fakpi in a doh i, a tei khawhnak ding caah fakpi in rian a ttuan. A tim bik mi cu America mipi  nunnak tampi khamh ti mi hi a si, cun  America Economy cu vawlei cungah a thawngbik le ramdang nih an tei sawh sawh khoh lonak ding caah dirhmun sangpi ah chia. Mah bantuk dirhmun phan ter khawhnak ding caah a tlingbak mi President a si hlei ah, mah bantuk in rian ttuan nak lampi zong a thei ngai mi a si tiin Mason nih a chim

Trump hi duh poah in tei khawh mi minung men men a si lo. Amah a soisel tu le athangchiat tu hna cu zawng thak bantuk in vun thak thlumah ko hna seh. An bia chim mi hi biatak le bia hman pakhat hman a um lo. Coronavirus ruangah mah bantuk in an soiselnal le thangchiatnak hi a caah cun thazang pakhat a si. Amah hi a tim cang mi cu a tlamtling khawhnak ding faah rian ttuan a tim peng mi minung a si. Pathian sin ah thlacamnak nih thil tampi a tuahkhawh ning azum tak tak mi a si tiin Mason nih a chim

Senior Advisor to Donald J Trump for President, Inc. and National Chair of the Trump Victory Finance Committee, Kimberly Guilfoyle nih a chim ning ah cun. ” The Daily Caller” sin ah ti hin a chim. American mipi hi Trump lei ah an dir, Trump hi President caah an duh bik mi a si,  Trump Team nih USD 742 million an ngei cang. USD 255 million hi an kut ah a um cang. National campaign thawknak ding caah Trump Victory, le Republican National Convention i bawm in minung voter 20 million chawn khawhnak an ngei cang. Mi 300,000 new volunteers an ngei cang i, Mi 300,000 le 1 million volunteers hna cu tlamtling tein an tuah ding mi cawnpiak dih an si cang. Atu hi fakpi in rian an ttuan cang tiin a chim. Source- Economic Times (May 16, 2020. @ 10:11 AM IST)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump caah thawngtha tak tak; USA mipi nih President a si than khawhnak ding caah Tangka an hlut mi cu a tam tak tak"

Leave a comment

Your email address will not be published.


*