Coronavirus le Black Live matter ruangah USA President Election November ni 3 ah ngei ding mi cu thawngpang thei ding mi a tlawm ngai. Mah kongah hin mi tampi nih coronavirus ruangah election hi thawn a si lai tiah an zum lio ah President Trump nih thawn a si lai lo ti fiang tein a chim cang
President Trump zong nih Joe Biden cu ka tei hrim lai tiah a chim lengamng cang. Joe Biden kum 40 chung politik ah rian na ttuan cang i, kum 4 chung ka rian ttuan mi ah minak pawl le USA mipi caah ka rian ttuan mi a tam deuh tiah fakpi in Joe Biden cu a rak phomh cang.
President Trump nih Ninga ni (Friday) thawngin Presidential election Campaign ka thawk cang lai tiah a chim cang. November 3 Presidential Race caah timtuahnak a ngei nak ding caah Tulsa ah Rally thawk a tim tiah a chim. Democrats lei nih President Trump cu fakpi in an soisel sel. Mah bantuk in coronvairus rai zawtnak a tlung lio ah rally tuah cu “COVID” Shame an ti piak.
Tulsa’s top health official pawl nih Rally hi thawn ding in an nawl. Natein Tulsa rally cu thawn a si lai lo. CADC lei nih President Trump Campaign Committee bia bantuk in Rally tuah nak ah a kal mi vialte hna cu check tuah dih an si lai, Face Mask le Hand Sanitizer pek dih an si lai. Mah bantuk in kalpi si lai caah tangka tampi hmang a hau lai. Rally an tuahnak ding ah hin minung 19,000-seat chia a si i, mah hi Social distancing ning tein tuah an nih tim. Source- CNBC
Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.
Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.
Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor
Leave a comment