President Trump cu China cungah a lawm kho hrim lo; China cungah alungput ning fiangte in a chim

Mithiam pawl zum mi lengin a thimi le a zawtmi an tam cang. President Donald Trump nih China cu. President Donald Trump nih a chim ning ah cun China hackers nih American companies, Coronavirus Vaccine development information fir piak an nih tim ti a langter A luangcia zar ah khan UK le US Companies cu China Hackers pawl nih fir piak an nih tim ti a rak chim cang

President Trump nih press conference, the Rose Garden a tuah nak ah a chim mi cu “China sin in zeibantuk thil thar hmuh ding a um? China cungah ka lawm lo tak tak. Coronavirus source an si bantuk in mah rai zawtnak hi vawlei cungah a kar hlan ah China ram chungah fawitein  an khamh khawh. Atu hacking an um ti thawngthei a si chap. China sin in thil thar zeihman thei ding a um lo, a hlan ah an tuah tawn bak tuk in a si ko.  Thatein kan zoh thluamah lio a si. China hi kan zoh sawh sawh lai lo ttin a chim

President Trump cu Trade deal a um tthan ding mi ah China he bia ceihmainak nan ngei tthan lai maw tiah bia an hal mi cu, President Trump nih a um hrim lai lo, a um hrim lai lo. China he zeihman i ceihmainak ka ngei ti lai lo, A ruat zong ka ruat duh ti lo. Deal kan tuah cang. Trade talk ngei an duh. China nih hin America lakah kum zeizat dah mianak an rak tuah cang. A ruang cu Oval office ka thutnak hmun ah a rat thut cang mi nih mah bantuk (China nih US sin in tangka tampi hmuh) thil hi rem an ti caah si. tiin fakpi in a chim

China lei nih an chim ning ah cun Phase 1 trade deal negotiations cu a tha ngai cang lai tiah an chim. Phase 1 deal, January ah an rak tuah ah khan kum 2 chung cu China nih U.S. goods & services , $200 billion man a cawk hrim lai ti a si. Reports ah American officials nih China hackers warning , America vaccine & treatment research ah a um ti an rak chim. Gilead Science Remdesivir an sernak company zawng hackers  pawl nih fir an nih tim,  natein an duh ning bantuk in an fir khawh lo. Credit- NDTV, President Briefing, Bussines-standard, VOANEWS

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump cu China cungah a lawm kho hrim lo; China cungah alungput ning fiangte in a chim"

Leave a comment

Your email address will not be published.


*