President Trump le Khrifa pawl an nih pehtlaining hi khuruahar bak si. Pathian khuakhang hi a mak tak tak ee

Zeiruangah US Khrihfa Nih Donald Trump An Dirkamh… President Donald Trump cu Marble Collegiate Church i Presbyterian khrihfabu chungtel pakhat a si. “ Ka uar bikmi cauk cu bible a si” tiah Trump nih interview pakhat ah a chim. Pathian zeitluk in a zumh le zumh lo ka hngal lo, a pianthar le thar lo zong ka hngal lo. Bible ca a rel le rel lo zong ka hngal lo.

Keimah hngalh khawhmi zong si lo. Hngalh zong kan rian a si lo. Ahohmanh nih nan hngal cio lai lo, a hngaltu cu amah le Pathian lawng an si. Asinain fiang tein ka hngalh khawhmi le ka chim ngammi cu US khrihfa hna a dirkamhnak tampi hmuh khawh a si. A tuah sernak hrimhrim in a langhter. President a si hlan, election campaign a tuah lio ah khrihfa hna an zumhnak ka dirpi lai. an zumhnak ruangah serhsetnak le harnak an ton lonak dingah ka zuam lai” tiah a chim i, President a tlin taktak tik ah a chimning bantuk tein a tuah taktak.

US Khrihfa Hna Nih Zeitindah Donald Trump An Bawmh… Obama chan ah Khrihfa cheukhat cu biaceihzung ah an zumhnak ruangah, sertsatnak le zeire lonak tete an ton caah khihfa tampi cu an lung a faak. Obama cu globalist pakhat a si. Pathian a tih lomi liberal pakhat zong a si. Khrihfa sinak le nuhrim covo a paih caan poah ah human rights lei peng ah a ttang.

Khrifa zumhnak zei ah a rel lo, khrih muisam a kengmi le khrihfa muicaungmi poah duhsah tein hrawh a zuam. Khrihfa hna zumhnak tampi a filter. Mah ruangah US Evangelist minthang bik, Billy Graham fapa, Franklin Graham hruainak in US khrihfa zumtu hna nih Donald Trump caah US state 50 ah kum khat chung khual an tlawng I, president thimnak ah teinak a hmuh khawhnak ding caah thlacamnak le election campaign in an bawmh.

Khrihfa tampi tthanghphawhnak a um caah khrihfa tampi nih 2016 November thla US election ah Donald Trump cu thimfung an bungh hnawh. President thimnak ah thimfung a thla bal lomi khrihfa tampi thimfung thlak ah an chuak I, Donald Trump cu thimfung an pek I, President zong a tling tatkak. Rev. Franklin nih a chimmi cu, “ Kapa, Billy Graham nih Donald Trump caah thla a cam piak I, thimfung zong a thlak tiah a chim. Khrihfa tampi nih Pathian thimmi a si tiah an zumh. US ramdang vuanci Mike Pompeo zong nih Pathian thimmi a si tiah a chim bal.-Salai lairamthang

 

Be the first to comment on "President Trump le Khrifa pawl an nih pehtlaining hi khuruahar bak si. Pathian khuakhang hi a mak tak tak ee"

Leave a comment

Your email address will not be published.


*