President Trump nih a hawi le sawm in, Pathian sin ah thlacamnak a tuah. President Trump thlacam mi cu mitthli a tlak ter bak ko

President Trump Personal Valet cu Coroanvirus a ngei tiah fiangter nak tuah a si bak in the first family zong an him lai lo tiah zumlonak tampi a chuak. The first family le White House ah rian ttuantu hna hi zarfatin Coronavirus an ngei maw ngei lo test tuah peng an si. Mah bantuk in White House chungah rian ttuantu pakhat nih cornavirus a ngei ti an thei bak in First Family le White house ah rian ttuatu President Trump Personal he pehtlaihnak a ngei mi vialte hna cu test tuah a si i, First family le hawi le hna cu coronaviru an ngei lo ti thei cawlh a si. Pathian a tha tuk hrinhrang

Mah bantuk in CCP Virus nih White house a luhnaw ve cang caah Nili Ni 4 ah khan President Trump le a rian ttuanti hawi le Pathian rian ttuantu pastor hna cu White House, Rose Garden ah Pathian sin ah thlacamnak an ngei.

Mr. President nih US ram le mipi damnak an hmuh tthan khawhnak ding caah Pathian sin ah thla a cam. Mah CCP virus ruangah USA mipi 33 million leng cu rian ngei lo in an um cang

Mah National Day of Prayer ah Mr. President nih Pathian rian ttuantu hna tampi cu a sawm ve hna i, Pathian sin ah bawmhnak le mah bantuk caan chia lakah USA cu Pathian nih a dirpi tthan khawhnak ding caah thlacamnak ngei a si

Mah bantuk in USA nih CCP virus zawtnak he an in paih lio ah President Trump nih thla a cam ning cu, “Van cungah ummi Bawipa, na thawnnak le na hnemnak kan nih hal hna, nangmah sin in thazang kan her, ruahchannak le damnak kan pek  hram ko, kan ram hi damter tthan law mipi hna hi kan sertthan hram ko” tiin Pathian sin ah lungtak tein thla a cam

President Trump nih a chimmi cu, “Kan ram nih caan chiatuk mi kan tawn lio a si, mi tampi an thi i, mi tampi pawcawmnak a hrawh” tiin

Labor Department nih an langter ning ah cun Nili Ni hah rian ngei lo in cozah sin ah bawmhnak a hal cang mi hna cu 3.2 Million an phan. CCP virus ruangah atu tiang rian ngei lo in cozah sin ah bawmhnak a hal cang mi zat cu 33.5 millions an si cang tiin a chim.  Source-Washingtontimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump nih a hawi le sawm in, Pathian sin ah thlacamnak a tuah. President Trump thlacam mi cu mitthli a tlak ter bak ko"

Leave a comment

Your email address will not be published.


*