President Trump nih China cu a phomh tak tak ko cang. China nih a tih bik mi cu President Trump nih a tuah cang ko

USA le China buainak hi cu a dawng ding mi khi a si ti lo. A zual chin lengmang cang. USA nih Coronavirus ruangah China cu fakpi in a phomh i, mawhphurnak vialte na lak dih lai a rak ti cang bantuk in, tu cu China nih a duh lo bik mi le tih tuk mi thil pakhat cu President Trump Admin nih an tuah cang

USA State Department nih congress sin ah advanced torpedoes, $180 million man cu China ral a si mi Taiwan sin ah zuar ding in hnathlaknak an tuah cang. Mah bantuk in State Department nih Congress a theiter cang ka in China cu a um sawh sawh kho ti lo i, Beijing nih cu a thinhun tuk hrinhrang. Aruang cu China nih Taiwan hi China ram chungah chia ding in fakpi in a zuam lio a si

Mah bantuk in China ral a si mi Taiwan sin ah USA nih hriamnam thatuk mi a vun zuar mi cu China caah cun cohlan khoh mi thil khi a si lo. China caah cun tih nung tuk mi pakhat a si caah Beijing cu a thinhun tuk caah a ther in a ther ko cang

The Chinese foreign ministry, Spokesperson Zhao Lijian nih a chim ning ah cun “US nih hin “one China” principle hi kan zulh piak khawh seh ti kan duh tuk. Taiwan sin ah mah bantuk in hriamnam nan zuar mi hi dawnter cang u. Sino -US pehtlaihnak a hrawhtu a si hlei ah Taiwan Strait ah remnak le daihnak a a chuah pi khoh lai lo tiin USA cu fakpi in a soisel . Source- Reuters, nytimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump nih China cu a phomh tak tak ko cang. China nih a tih bik mi cu President Trump nih a tuah cang ko"

Leave a comment

Your email address will not be published.


*