President Trump nih G-7 kong ah Indian PM. Modi Phone in a vun call cang. China nih a leh cawlh

Thawngpang ngai a nuam chin lengmang cang, Coronavirus ruangah vawlei cung ramkip muinak khur ah a kan lutpi mi nih vawlei cung cu hnung le hmai bantuk in a thleng cang. Coronavirus kongcu kan theih mi atam tuk cang i, mipi nih kan rel huam ti lo, Natein Coronavirus nih vawlei a thleng ning hi cu ngai a nuam chin lengmang cang ko hi

Atu ka ttial ding mi hi Breaking news zong a si khoh. Nikhat ni (monday) zing a tho bak in President Trump nih India Prime Minister Modi cu phone in a vun chawn i, Group 7 pawl summit ah India cu tel ve ding in a sawmnak a rak chim cang. Mah kong hi Prime Minister nih Twitter ah a vun langter cang (Had a warm and productive conversation with my friend President @realDonaldTrump. We discussed his plans for the US Presidency of G-7, the COVID-19 pandemic, and many other issues.

Mah hnuah PM office lei nih thawngthannak an vun tuah cawlh. “The Prime Minister nih President Trump sin ah India nih  G-7 summit tuah ding mi kongah G-7 he rian ttuan ti ding in tim cia kan um peng tiin

President Trump le PM Modi nih hin India le US Covid-19 dir hmun. US ramchungah buainak a tlung lio mi le Indo- China border kong zong saupi in an nih cei. WHO kong zong an chim i, WHO hi thlen hrim hrim a hau ti kong zong an chim, President Trump nih February ah India a rak tlawn tthan lai tiah a chim chap, Indo US ties special ngai in kalpi nak ding kong an chim

CHINA cu G-7 ah sawm an si lo, US President Donald Trump nih India, Australia, Russia le South Korea a sawm caah Tuesday ah, China cu a lungtling lo tuk caah, Chinese Foreign Ministry spokesman Zhao Lijian media briefing ah, “China nih kan nih ruahchan ning ah cun international organisations & conferences ah ram pakhat le pakhat i zumnak a lang ding in kan ruah, small circle ah rian ttuanti i, China doh nak ding caah rian an tuan ah cun an thil i timh mi cu a hlawhtling bal lai lo tiin President Trump cu a phomh. Source-Theindianexpress. Theeconomictimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump nih G-7 kong ah Indian PM. Modi Phone in a vun call cang. China nih a leh cawlh"

Leave a comment

Your email address will not be published.