President Trump nih Joe Biden ceilak in a phomh; Trump nih a chim lo mi Joe Biden nih a chimter mi a tam ngai

Coronavirus ruangah vawlei cung ramkip cu muinak khur ah um a si cang. Ramthawng kan ti mi, muidawh, hlasak thiam, cathiam, mifim zong nih zeihman a tuah khawhlonak caan kan phan cang caah vawlei cung cu mitthli he a um lio a si. Mah bantuk caan lio ah mi cheu nih cun caan tha ah hmang in an innpawng chak thlang caah thil tha tuahnak caah an hmang.

Natein USA ram cu i soiselnak le i thanchiatnak lawngtein a khat. President Trump zong rian ttuan khawh lo in Democrats lei nih an tuah. Ram le mipi caah rian ttuan a tim mi zong House ah Democrats lei nih buainak tuahpiak an nih tim lengmang caah President Trump zong social media hmangin fakpi in a zai tawn. Small Business pawl caah bill pass a tim mi cu Democrat nih an thawn piak lengmang caah Speaker Nancy Pelosi cu America mipi sin ah ngaithiam hal ding in President Trump nih facebook hmang in aphomh

USA President Donald Trump nih November 3 ah Presidential election thlen/Thawn nak kong zeihman ka chim lo tiin a chim. A ruang cu mah bantuk Coronavirus buainak ruangah election kong chim ding zong a si lo tiin a chim.

Election caan thlen kong hi ka rat ruat bal lo mi thil a si. Zeiruangah dah mah bantuk election caan cu ka thawn lai? November 3 hi number tha a si mi a si ti cu White House News Conference ah reporter hmai ah a chim

Democrat party lei ah a zuamcawh ding Joe Biden nih mah Presidential Election kong hi a luancia zar ah khan a chim i. President Trump nih Election ni cu thlen ding in tiamtuahnak a ngei tiah a chim. Joe Biden chim ning ah cun “Ka bia chim mi hi thatein ngai hman u, Election caan hi zeitin dah amah mianak caah tuah a tim, a ruang zeihman um lo in election caan hi thlen khawh a si lo” ti cu election financial campaign nak ding caah a chim

Joe Biden nih mah bantuk in a chim caah Trump nih a leh i “A si hrim lo mi a si, Mah election caan hi ka ruat i, keimah nih ka chim lo mi, ka kaa ah mah bantuk hi a chuak bal lo, a um sawhsawh mi minung nih an tuah chawm mi a si. Na bia chim le na thil tuah mi hi ka rak hmuh peng ko ti rak thei, Joe Biden nangmah kha mutchuak hmang pa na si’ tiin President Trump nih fakpi in aphomh. Source- Economic Times. April 28, 2020. @ 08:59 AM IST

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump nih Joe Biden ceilak in a phomh; Trump nih a chim lo mi Joe Biden nih a chimter mi a tam ngai"

Leave a comment

Your email address will not be published.


*