President Trump nih Myanmar ram caah a thil tuahmi cu thangthat ngai a si. President thiltuah mi lakah a tha bik a si lai an ti

Vawlei raltuk voithumnak a tlung lio ah mah bantuk in President Trump nih Kawlram caah thiltha a tuah mi cu thangthat a si ngai. Vawlei raltuk ka ti ruangah hriamnam raltuk si ti lo in vawlei ramkip nih atu lio zawtnak CCP Virus hi an doh dih i, teikhawhnak lam an kawl cio.

Vawlei cung ram tampi nih China cu an huattuk cang i, a hlei in USA nih China hi zeitin dah dantatnak ka tuah lai tiah lam a kawl lio a si i, cu ve bantuk in ramdang zong nih China cu soisel le thangchiat lio a si. Vawlei cung technology a sangtuk caah hriamnam hmangah raltuk cu a hartuk cang lai i, an ngam tuk lem ti lai lo ti khi si cang

US President Donald Trump nih myanmar Ambassador caah foreign ministry tangah Asia lei ah ttuanvo laktu hruaitu lakah Thomas L Vajda cu a thim ding in a chuahpi. Mah hi zeidah a si tiah VOA Burmese rian ttuantu nih Amabassador hlun Priskilla Clip an hal mi cu, “Myanmar ambassador caah President Trump nih Thomas L. Vajda a thim mi hi President Trump nih a caan lio ah a thiltuah tha bik a si lai” tiin a leh

Amah hi kum saupi Yangon ah USA Embassy ah rian a rak ttuan cagn mi a si. Thil tampi myanmar kong a nghal mi a si. President Trump nih amah a thim mi hi a caan lio ah a thil tuah tha bik le sunglawi bik a si lai tiah tiin a chimchap.

Myanmar ramchungah US policy hi a tambik cu Myanmar ah USA embassy in ser mi le timtuahnak ngei mi a si, Cucaah Myanmar ram chungah USA Embassador hi a biapi tuk mi a si. USA ambassador  a nih myanmar ram a dawt i thil tampi policy a ser ah cun Myanmar caah thiltha tampi a chuakpi ve lai ti kha fiangtein a lang. Mah bantuk in President Trump nih kawlram dirhmun a thei ngai mi le thil policy a ser khaw ding mi caah a thim mi hi kawlram caah cung a suanglawi tuk mi le thluachuah bak a si. Credit:VOA Burmese, 7 May, 2020.The Tahan Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump nih Myanmar ram caah a thil tuahmi cu thangthat ngai a si. President thiltuah mi lakah a tha bik a si lai an ti"

Leave a comment

Your email address will not be published.


*