President Trump nih Rally ngei a tim mi a let tthan; Uar um bak ko; Aruang

Presidential election a naipa cang, November 3 ah USA President thimnak ngei a si lai. Democrat lei in President a cu ding mi Joe Biden a fiang cang. Republican lei in President a cu ding mi cu President atuan lio mi Trump si lai.

Tu kum November 3 ah President thimnak hi ngai a nuam bak mi si lai, a ruang cu President Trump hi a thim a si tthan ko lai an ti mi cu Coronavirus le BLM ruangah a point a chia ngai tiah an ti. Natein thil sining cu November 2 ah thei a si ko lai caah tu cu zum ning chim sawh caan a si ve i, Kum 2016 Election kan zoh ah cun poll ah President Trump nih Hillary a tei bal lo. Natein vote an vun rel hnuah cun President Trump nih Hillary cu a tei cik cek

George Floyd’s thinak ruangah ‘Black Lives Matter’ cu aupi a si lio caah America ram chung cu muinak in a khat cang caah, America boruak cu a rit ngai, President Trump cu racist tiah fakpi in soisel le thangchiat a si lio a si.

MAGA comeback rally, June 19 ngei din mi cu kum 1921 race massacre upatnak ruangah President Trump nih rally ngei a tim mi cu a let. Tulsa rally ngei ding mi hi Trump hawi le minak pawl nih i let ko tiah zaangfah an nawl caah an bia le hla cu President Trump nih a ngaipiak hna caah Rally tuah ding mi cu tuah lo in let

Nike, the NFL, Twitter groups & companies dang dang nih mah ni ah hin upatnak langter nak ding caah program an tuah lai. June 19 hi, 1865 a Union soldiers nih Civil War  Texas ah an dawngternak ni a si

President Abraham Lincoln nih 1863 hlan ah Emancipation Proclamation a rak phuan cang mi kha mah June 19 ah hmang ding in hram an rak thawknak ni a si fawn

President Trump nih mah bantuk in Twitter ah a tial ” Ka hawi le African-American a si mi le thazang a ka pek mi nih mah ni le caan ah rally tuah lo ding in an ka nawl caah, mah ni hi ni sunglawi caah hmang ding in timtuahnak ngei a si caah rally tuah ding mi cu ka let tthan. Cucaah June ni 20 hi rally tuah ding in timtuahnak cu ngei a si a so. Zeipoah tlamtlingtein tuah a si cang. Minung 200,000 umnak caah ticket tuah a si cang. Oklahoma ah kan nih hmuh te lai” tiah President Trump nih Twiiter ah a ttial

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump nih Rally ngei a tim mi a let tthan; Uar um bak ko; Aruang"

Leave a comment

Your email address will not be published.


*