President Trump nih US Supreme Court zumtlak a si lo ning a chim cang; Trump lungput alang dih cang

President Trump chim ning a cun 2020 Election cu Democrat pawl nih an fir ti bak si. Tu tiang ka sungh ti a chim duh lo. President Trump nih voter fraud a tam ning heh tiah tu tiang a chim peng

Trump hi kum 2016 ah vote 63 million hrawng a hmuh, kum 2020 ah vote 74 millions a hmuh, kum 2016 nak in kum 2020 ah 10 million leng in vote a hmuh mi a tam deuh

Voter Fraud kongah tehte kan ngei dih tiin a chim. Mah vialte hi Supreme Court ah kan ap, natein supreme Court nih a cohlan lo. Mah bantuk in US Supreme Court nih a cohlan lo mi cu mak a ti ngai

President Trump nih Supreme Court cu heh tiah a phomh cang. US supreme Court cu zeihman a si lo, a dertuk mi le thil dik langter kho lo mi a si tiin a chim facebook le Twitter ah a phomh hna

2020 Election ah vote hlennak tampi a um, mah vialte hi proof (atak a si ti langter nak) kan ngei dih. Natein Supreme Court nih mah vialte hi an zoh duh lo. Ceih tlak a si lo an si. Election ah hlennak a um a cun, Ram kan ngei lo tinak a si, tiin a chim.

Relchap. US President 2020 ding mi cu January Ni 6 ah Congress Joint Session ah confirm tuah a si lai. Mah ni ah hin Vice President Mike Pence nih Session hi a hruai lai. Zeibantuk thawngpang thar a chuak lai ti cu US mipi nih an thei duh ngai mi si cang

Mah Session ah, Joe Biden cu President elect a si lo ti challenge tuah ding mi an vun tam thluamah cang. Joe Biden hi President Elect a si lo tiah a challange/zuam ding mi an tam chin lengmang caah mah congress joint session hi zoh a nuam ngai lai

Wisconsin State in, Republican lawmaker pahnih nih federal lawsuit, Joe Biden President elect a si lo ti challenge tuah ding in biakhianak an tuah cang

Wisconsin State Reps. Jeff Mursau le David Steffen nih min thut bak in U.S District Court for District Columbia ah Amistad Project nih a tuah mi, Thomas more Society le Wisconsin voter alliance hna cu an fonh ve cang hna

Cun Michigan State in mi pahnih, House, Reps. Matt Maddock le Daire Rendon zong nih Federal Lawsuit, Joe Biden president elect a si lonak ding caah challenge tuah ding mi ah an nih fonh ce cang tiin Theepochtimes nih a langter

Mah Congress Joint Session ah hruaitu a si ding mi cu Vice President Mike Pence a si lai caah, Mike Pence sin ah, Legislature nih amah hi President elect a si hrim ti kan fehter lo mi cu cohlan lo ding in challenge an tuah ve.

US constitution ning a cun Phunglam ning tein, legislature pawl nih fehter mi hi president ding mi asi caah mah state Arizona, Georgia, Michigan, Pennsylvania, le Wisconsin nih an cohlan lo mi cu president elect caah phuan lo ding in challenge an tuah. Source-Theepochtimes

Be the first to comment on "President Trump nih US Supreme Court zumtlak a si lo ning a chim cang; Trump lungput alang dih cang"

Leave a comment

Your email address will not be published.


*