President Trump nih USA a dawt ning le a thil tuah ning cu khuaruahhar bak si, Mah bantuk President tha hi

Coronavirus ruangah harnak a tongmi hna caah Senate le House nih an pass cangmi US$ 484 billion cu tuchun ah President Trump nih minsen a thut I, upadi ah a canter cang. Mah bawmhnak phaisa cu “Phase 3.5” emergency interim coronavirus relief package” ti zongah auhmi a si. Mah bawmhnak phaisa chungah US$ 310 billion cu Paycheck Protection Program (PPP) timi caah an hman lai. Riantuantu minung 500 in a tanglei a ngeimi hna, small business ngeitu hna caah loan cawih ding le grant pek ding caah an hman lai.

Mah phaisa in small business ah riantuantu employee thla hlawh, inn hlanman le utilities caah thla hnih chung a pek piak khawh hna lai. Mah chung thiamthiam in US$ 30 billion cu bank hme tete a simi, community-based lenders, small banks le credit unions caah an hman lai. Adang US$ 30 billion thiamthiam in tlawmte angan deuhmi, mid-sized banks le credit unions pawl bawmh an si lai.

A dang $50 billion cu Small Business Administration’s emergency disaster caah cawih dingah an chiah lai I, a dang $10 billion in SBA disaster grants caah an hman lai. $10 billion hi disaster grants a si lai caah cham hau lomi a si kho.

Kan hnu ah an rak pass cangmi $2.2 trillion “Phase 3” stimulus package tiah auhmi , bawmhnak, CARES Act in loans le grants a ngahmi small business pawl nih an riantuantu hna employee pawl kha rian dinhter lo in 75% an hman ahcun phaisa pek than hau lomi, fully forgiven ah chiah piak an si lai an ti. “Phase 3 relief package cu caan tlawmte chung I a dih colh caah small business ngeimi tampi cu loan le grant cawi kho loin an tang dih. Curuangah atu bantuk in a rannak in 310 billion cu an rak in an thlak thanmi a si.

Tuan deuh I bawmhnak phase 3 chung in US university mithang, Harvard, Princeton le Stanford university hna nih an rak I laak ve caah President Donald Trump nih a hal than hna I nizan press conference ah an khirh than cang hna” tiah a chim. Mah tluk in small business hme tete nih harnak an ton lio ah institute ngan pipi pathum nih ningcang loin phaisa an rak I laakmi cungah President Trump nih faakpi in a mawhchiat hna.

Tutan Paycheck Protection Program (PPP} nih Spanish, Minak le Asian pawl caah thathnemnak tam bik a chuahpi lai tiah an ruah. Laimi chung zong in small business a ngeimi, Sushi company, rawldawr le grocery dawr hme tete a ngeimi caah tampi a bawmh hna lai tiah ruah a si.

Be the first to comment on "President Trump nih USA a dawt ning le a thil tuah ning cu khuaruahhar bak si, Mah bantuk President tha hi"

Leave a comment

Your email address will not be published.


*