President Trump nih WHO sinah tangka ka pek tthan lai a ti mi cu WHO le China caah thawngchia bak si ko

WHO caah cun ngeichiat bak si ko, zeitluk in dah a ngaichih lai, natein WHO (China uico) caah cun zeihman tuah khawh ding um ti lo. USA nih a phomh mi cu a cei tak tak ko cang hi. Biathli zut (Leaked data) ah US nih WHO cu a bomh tthan ko lai, Natein President Trump nih fiangtein a  chim ning ah cun, WHO Fund $400M kha ka phih rih ko lai tiin.

Fox News anchor Lou Dobb nih White House in a zut mi (leaked letter) ah President Trump nih WHO funding cu pek tthan a tim timi cu President Tump nih a le cawlh i, “Caan saupi WHO hi $400 million kan rak pek tawn, natein atu cu 10% , $40M lawng kan pek cang lai, natein biakhiahnak tha tein kan tuah lo. WHO Fund cu atu dirhmun ah cun kan phih piak cang ko hna tiin a chim

Leaked draft letter ah President Trump nih WHO fund an pek tthan a si ah cun $40M hrawng si cang lai. Trump nih April 14 ah WHO fund a suspend piak hna, disinformation ruangah President Trump a thinhung bak ko. Atu tiang President Trump nih WHO cu fakpi in a phomh peng ko ‘The World Health Organisation has been a disaster — everything they said was wrong, and they’re China-centric”

Kum saupi USA nih WHO sin ah $400million nakin tam deuh a rak pek tawn. China nih a pekmi nak in 10 tam deuh a pek tawn. Natein President nih WHO cu a zaangfah tthan a si lai, draft letter ah ” WHO hi diklonak tampi a ngei ko zawng ah vawlei cung ramkip ngandamnak lei ah rian ttuantu a si caah ka bawm tthan ko lai tiin a chim. United States nih hin World Health Organization hi partner bantuk in rian a ttuanpi. China nih hin vawlei cung ramkip ah leiba tampi a ngei. China nih WHO funding a pek ning bantuk in kan pek cang lai, Natein biakhiahnak zeihman tuah a si lo, Mah kongah hi cu kan zoh tthan te lai ttin a chim. Credit- Esther

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor