President Trump Ohio ah a kal lio ah mipi nih lampi ah an au mi a leh mi cu Democrat pawl caah thei ngam ding si ti lo

Trump nih Supreme Court Justice thar a thim ding mi kong cu a fiang cang i. Tu hi Justice ruak hi an vui rih lo caah zeihman rian ttuan a thawk duh lo i, Justice Ruth ruak hi ningani/Friday ah vui a si lai. Mah hnuh Zarhte ni suimilam zanlei 5:00 bak ah Trump nih Supreme Court Justice ding mi cu a phuan lai

US thawngpang nifatin rel le thei na duh a cun Chinpage hi like/follow vun tuah law, ni fatin US thawngpang na rel/thei khawh peng lai tinak a si

President Donald Trump Ohio ah campaign tuah ding in a kal lio ah, lampi ah mipi tampi nih an rak dawng i, Trump supporter pawl nih cun thangpi in an au si “Fill the seat” Fill the seat’ Fill the seat’ a hmun kha khahter tiah fakpi in an ua.

Mah bantuk in Trump supporter pawl nih an au mi cu, President Trump nih a leh hna i, ka thim/khahter hrim hrim lai tiah a leh than hna. Mah hi Supreme Court Justice Ruth a thi cang mi aiawh in midang thim ding mi a si

Wisconsin Swing states ah Trump campaign a tuahnak ah mi tampi nih an rak dawng i, natein Democrat Joe Biden zawng Rally a tuah ve i natein dawngtu a ngei lo, an tlawm tuk caah Democrat pawl caah cun mit au ngam ding zong a si ti lo

Joe Biden nih Covid-19 in minung 200,000 thihnak America health care that lo ruangah a si tiah fakpi in Trump cu a soisel ve. Joe Biden le Democrats pawl nih an ti bik mi cu, Supreme Court Justice SCOTUS seat ah Conservative Justice an tam tuk sual lai ti an tih tuk cang i

Aruang cu nauhrawh/Abortion law, LGBT rights, Same sex marriage hna cu an duh ning bantuk in a tlamtling kho ti lai lo caah a si. Joe Biden hi Senate ah kum 36 hrawng a thut cang i, Vice President ah kum 8 a thut cang, American politics a buai ning le thil sining vialte fiangtein thei dih tu a si,

Natein Donald Trump cu Business Tycoon, voih 1 politics field a luhnak in President dirhmun a phan kho mi a si. Experience zei hman a ngei lo mi a si. A rah ding mi Nihnih ni/ Tuesday ah Debate an ngei cang lai. Credit0 RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump Ohio ah a kal lio ah mipi nih lampi ah an au mi a leh mi cu Democrat pawl caah thei ngam ding si ti lo"

Leave a comment

Your email address will not be published.


*