President Trump thiam thiam si ko, Campaign a tuahnak ding kong a chim cang. Biden cu a tei cik cek ko cang lai hi

Trump bantuk ah raltha hi an tam lai lo, President a si hnuah amah hlan ah President a rak si cang mi nih an tuah ngam lo mi a chim mi poah cu a tuah thluamah ko. Chim ding tam ngai. Mi tampi le vawlei cung mithiam le mifim nih an tih bik mi, raltuknak voithumnak a chuak lai tiah an rak ti tawn mi Jerusalem cu zeihman tih lo in Israel khualipi ah a cohlan ki.

President Trump nih USA embassy cu Jerusalem ah a thial cawl, ramdang tampi nih President Trump tuah ning bantuk in an tuah thluamah ko ti kan thei dih

Thla 3 chung Coronavirus ruangah a buai hnuah, November Election ding caah fakpi in cawlhcang a tim ve cang. Tu cu election rally ngeinak ding kong ah thil zeipoah fiangtein kalpi a si cang lai. Ahmasabik ah Oklahama in a thawk lai i, state dang dang ah a kal lai. Texas, Florida, Arizona & North Carolina ah a kal campaign rally a tuah hmasa lai.

President Trump kum 70 mi nih November ni 3 Presidential Election ah Joe Biden cu tei a tim. Trump nih the white house reporters sin ah a chim ning ah cun “Rallies tuah ding in timtuahnak ngei lio a si. Mah rallies kan tuah ding mi ah hin ruahchannak tampi kan ngei.

Rallies kan rak tuah cang mi ka zoh tthan tikah mipi thutnak a lawng mi pakhat hman a um lo. Tulsa, Oklahama state nuam tuk mi in Rallies kan thawk tthan lai. Florida, Arizona, North Carolina ah fakpi in teinak kan hmuh khawhnak ding caah rian ttuan kan nih tim. Credit-President Briefing

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump thiam thiam si ko, Campaign a tuahnak ding kong a chim cang. Biden cu a tei cik cek ko cang lai hi"

Leave a comment

Your email address will not be published.


*