President Trump thil tuah mi nih mi tampi mitthli a tlakter

Tu tan cu Coronavirus ruangah si ti lo. President Trump thil tuah mi nih mi tampi mitthli a tlakter, President Trump hi President thim a si hnuah Pathian a bohchan tak tak mi a si, tu mah bantuk in minakpa pakhat thinak ruangah USA ramchung cu buainak in a khat, Democrat/Left Wing pawl nih President Trump dohnak caah tiah caan tha lak in USA ram cu hrawh an nih tim. Pathian biak inn tiang an hrawh cang caah Khrihfa pawl tampi lung a fak.President Trump nih Biak inn cu a va zoh

“President Donald Trump St.John Church Ah Kal. White House pawngte ah a ummi, khrihfa biakinn, St.John Church cu nizan ah sandahpiah tu hna nih mei in an khangh i fak ngai in a rawh caah tuzan lei ah President Trump nih Rose Garden in biachimnak a ngeih dih hnu ah ke in a va kal i, a lungthat lonak le a ngaihchiatnak a langhter. Lampi ah sandah piahtu hna nih lam an kham nain police nih mithli tlaknak in an kah pah hna hnu ah a kal kho.

St.John Church cu kum 104 a si cangmi tuanbia phurtu church pakhat a si. White house he naihniam tein a ummi a si caah US President hna nih ke kal in an i pumh tawnnak biakinn a si. St.John Church rector a simi, Rev. Rob Fisher nih thlacamak tawite an ngeih hnu ah Rev.Rob Fisher nih US rampi a daihnak dingah thlacam in kan bawm cio uh tiah a chim. President Donald Trump cu 2016 thimnak lio ah khrihfa mi hna thimfung in President a chuakmi a si tiah an zumhmi a si”. Credit- Salai lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President Trump thil tuah mi nih mi tampi mitthli a tlakter"

Leave a comment

Your email address will not be published.


*