Pu. No Than Kap nih President Thein Sein Cozah a hal mi kha a palhnak pakhat hman a um lo

A hopoah nih mah le holh le miphun cu lian seh, cawisang chin chin hna seh ti cu kan duh dih. Pu. No Thang Kap nih mah bantuk in President Thein Sein Cozah sin ah a rak hal ah cun zeihman poinak um tung lo. Chinmi nih holh common language kan ngei lo caah a hal mi si ko. Kan ngei hnuah a dang a hal ah cun amah thiam lo a si lai, natein kan ngei lo caah amah nih tha a ti bik mi a hal mi kongah hin soisel ding a um lo.

Mah ruangah Pu. No Thang Kap a soisel mi le thanchiat mi cu an mah zong hruaitu pakhat khat va si seh, an tuah ve thiam ko lai. Mah bantuk hi cu vawlei cumgah hmuh ding le thei ding a tam tuk, soisel tlak awk a si lo. Pu. No Thangkap soisel duh ruangah an ttialmi hi na rel duh ah cun vun rel ve

CNLD Party Chaiman Pu No Than Kap nih Falam holh cu Chinram Official holh , Lai mi Phun holh nganbik ah ser ding in le Chinram Sianginn Vialte ah cawnter ding in Kawlram President Thein Sein Cozah Sin ah a rak halnak kong a phuan, Chinram official holh caah Laizo holh siseh tiah a duhnak a chim Laizo holh hi a Tu Falam lei nih an holh mi lai le mizo hol karlak a um mi holh phun khi a si. pipu nih an rak chim.

Maymyo ummi Mirang cozah Education Department nih 1992 kum ah Laizo holh le ca hi Chinram sianginn vialte ah cawn dih ding in biachanak an rak tuah cang mi a si. 1958 August thla ah tlangcung miphun lolh in nan chim lai an ti tikah Chin miphun aiawh in Laizo holh kha U Nu cozah chan ah rak hman a si fawn.

Cun, Chinram ah common language(zapi hmanmi) ngeih ding hi a har ngai lai, nain ‘official holh’ cu a fawi tuk, CNLD kan tlin ahcun comman language kan ngei khawh lo zong ah official holh cu kan ser hrimhrim a herh tiah a chim fawn.Thein Sein cozah nih Chinram official holh kong ah Chinram pengkip kal in mipi ruahnak an rak lakmi kha a diklo, mipi ruahnak lak loin an nawlngeihnak hmang in kan cawnter ko hna sehlaw kum tampi a rau hnu cun zapi nih kan hman khawh ko hnga, official holh ah ai chuah ko hnga tiah a chim chih.

Cozah nih Kawlholh hmanter an kan duh lio ah mipi duhnak an kan hal hmasa tung lo, mah ti cun pei an kan cawnter i atu cu zapi nih kan hman beh ko cu, Chinram ah official holh kan ngeih khawhnak ding caah aa-na-sin(dictator) pakhat a chuah ahcun a tha ngai lai tiah capo pah in a chim fawn. Credit- Salai Lung Thli Tum Source: Video https://www.facebook.com/lungsamatmediapage/videos/839864796538060/?fref=mentions

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Pu. No Than Kap nih President Thein Sein Cozah a hal mi kha a palhnak pakhat hman a um lo"

Leave a comment

Your email address will not be published.


*