Pu. Trump bia chim mi cu Pu. Joe Biden caah cohlan hartuk cang

US thawngpang thei a nuam chin lengmang cang, Midterm election 2022 cu November thla ah ngei a si lai, Republican pawl nih House le Senate ah Democrat hna cu kan tei lai tiah an zum ngai. Texas Senator Cruz zong nih a chim cang. Former United States President Donald Trump nih Florence Arizona ah ‘Save American’ Rally ti mi cu zahan ah a ngei than

2020 presidential elections ah Joe Biden a tei lo mi kha fak a ti ngai ti a bia chim ning in a lang ko.

Trump 2020-Trump 2024 flag cu a tam tak tak. Trump nih a chim ning ahcun, “Washington Politicians

kut tangah kan um dih, an duh duh in an kan tuah hna, Anmah pawl control nak kut tangah kan um dih, an mah nih pawl nih tuah ding mi an ti mi hna hi kan zulh ti lai lo. Radical Democrats pawl nih United States hi communist ram bantuk in serh an nih tim. Elections ah Democrat pawl kan tei cik cek hna, An duh ning bantuk in thil kan tuah ter ding a si ti lo.

Nihin bantuk ah hin Election ngei hna u sih law, ceilak in kan tei hna lai, Ceilak in ka tei hna lai.

US President Joe Biden kan ngei mi hi a thawng lotuk, zeihman a si lo, a rian a tei lo tuk, A hlan President 5 kan

rak ngei mi pawl nak in a thawng lo deuh, Zeihman US ram caah thil tha atuah mi a um lo. 2022 Midterms ah cun, kum 2020 bantuk fih nung tut mi election bantuk kha a um ti lai lo”. Paradise Valley, Arizona ah, mi tampi nih Joe Biden president caah an thim mi kongah an nih ngaichih tuk cang, Trump thawngpang hi cu a linsa bak ko,

Trump ttanhtu pawl nih, flag tampi he an uar ning le an hlam ning kong an tial mi an nih put.

Kum 2024 ah Republican lei in Presidential Candidate caah Trump hi 84% nih an duh, Republican lei in amah

a tei kho tu ding mi a tu dirhmun ah cun an um rih lo. Trump a bia chim mi zoh tikah, Nihin tiang Joe Biden nih a tei mi kha a cohlan bak lo i, ka sungh ti bia a chim duh bak lo. Zeidah a law te lai, Midterm Election ah teinak an hmuh ahcun, arak chim cia bantuk in Nancy Pelosi cungah zeimawh a tuah hrim lai ti zum a si cang.

Aruang cu, January ni 6 buainak a chuak hlan ah khan, Trump nih Nancy pelosi le Capitol Palik bawi sin ah,

ralkap tampi, 10,000 leng ka vun kuat lai aw tiah a rak ti hna, Natein, Nancy Pelosi le palik bawi nih an duh lo. Mah kongah Trump nih fiangtein a chim cang. Midterm Election ah teinak kan hmuh ahcun, mah vialte hi zeidah a ruang asi ti hlethlainak thatein kan tuah lai tiin. Cred-RTK