Ralhrang Hna Thil Tuah Ning Cu A Mak Kho Taktak Mipi an Tlaih Khawhnah Hnga Tlanhnak Sum an Phut

Myanmar ram ah rallokap uk duhlonak langhternak a tuahmi hna cu hruhru hranghrang in an tlaih hna i tlaih an timh mi hna an tlaih khawh lo ahcun an chungkhar pawl an tlaih hna.

Rallokap duh lonak langhternak ah,ralhrang nih nawl a chuahmi CDM ah a telmi mipi,cozah riantuan a tam u an i tel hi thlathum hrawng a si cang, rallokap lei zong nih mah duhlonak langhternak lam a zawhmi hna cu an kahhna an thenthek hna an

tlaih hna, a tu ahcun lam a zawhmi tlaih an timhmi an tlaih khawh hna lo caah an chungkhar tu an tlaih, Mukoh peng pakhat ah Sianghleirun i siang cachim pakhat cu

CDM ah a tel ti’n a inn ah tlaih an timh i,an va kal hnawh,inn ah a rak um lo caah a nu le a tta pa an tlaih hna,a luancia mi March 28 ah khan a si. Mukoh palek umhmun ah an tlaihmi hna cu chungkhar hna he tonter an sianh hna lo.

A tu bantuk in tlaih an si hnu ah a tangmi chungkhar hna zong an him hna lo,an inn an kah piak theo hna caah an i dup hna tiah a chim.

Hramhram uknak duhlonak langhternak ah fimthiamnak zung in Saya/mah, sibawi hna le a dang cozah riantuan hna cu rallokap a cheunak hnga caah thil nan tuah ti’n pohmah 505(a) in tlaih dingin nawl an chuah.

Humhimnak caah min langhter lo mi pakhat nih,inn pakhat an luh hnawh i tlaih an timhmi a rak um lo caah a nupi le a nu a nau an tlaih hna,a mah cu kut tuahmi Bomb a tuah ti’n sual an phawt i a inn an luhhnawh hi a si.

” kei cu ka hawi le pahnih thilri keimah nih ka ken ruang bikah, kan in zohfel lai, an ti,keimah ka dirhmun in cun a har ngai, bawmhchanh mi mah pahnih hi pehtlaih

khawh an si ti lo, kan i pehtlaih khawh a si ahcun an sihnalh khawh ko lai. Zei thilri dah a si ti ahcun an nih pahnih hi Ye-Ma-Se ah a tuanmi an si,kei zong tlaih dingin ka pehtlai, Line chungah phungning in thlahmi cu a um lem lo. Ka theih ning ahcun

anmah zaka ah tlaih dingin ka theih. Thongtlak,sual phawt mi cu a um lo, mah bantuk sualnak ngei lo alaka in sual phawt nak hrim a um lo. An tlaih timhmi hna an tlaih khawh hna lo i zaka ah an kan tlaihmi hi cu, mifir,mi hrokhrol thiltuah a si.

April 16 ah tlaihmi cu tuni in ni 20 hrawng a si cang,a mah zaka ah a nupi,a nu,a nau an thlah rih hna lo tiah theih a si.

Myanmar ram ah rallokap nih nawl ngaihnak a lak hi ni 90 hrawng a si cang, an tlaih mi hna hi 3,400 leng an si. Tlaih ding an timi 1,200 leng an si tiah AAPP nih a langhter. Credit-TCP

Be the first to comment on "Ralhrang Hna Thil Tuah Ning Cu A Mak Kho Taktak Mipi an Tlaih Khawhnah Hnga Tlanhnak Sum an Phut"

Leave a comment

Your email address will not be published.


*