Ralkap in pension a la cang mi pawl nih Trump an vun dirpi; An ca ttial mi nih US a hninh bak ko cang

Trump hi cu uar lo awk tha lo e, Ralkap pawl le palik pawl caah a rian ttuan ning fiangtein an thei caah dirpi ding hrim a si tiah an lungput ah an chia cang mi a si. Joe Biden President a si a cun US le ralkap, palik pawl caah tih nung tuk lai ti kha fiangtein an thei cang caah Trump President si tthan ding in an vun dirpi  cang

Minung 700 American veterans  (Ralkap a pengsion cang mi) pawl nih bia khianak an tuah i, President an dirpi nak caah an vun ttial cang. Media pawl nih Trump cu ceilak in ralkap pawl kawng ah an phomh i an soisel mi cu lih le hrokhrawl a si ning fiangtein a vun lang cang.

A ruang cu France ah  a kal lio ah ralkap pawl thlan hmun ah va kal duh lo bantuk in media nih an ttial hlei ah a bia chim mi cu fih nung tuk mi bantuk in an ttial. Idohnak ah a thimi ralkap pawl pawl hna hi “looser le sucker” tiah a chim tiah an ttial hnuah fakpi in Trump soisel le thangchia a si. Mah kong hi Chinapge ah fiangtein ka ttial cang kha

Mah bantuk in thawngpang a um lio ah Trump nupi Meliana zong nih Atlantic bia phuan mi cu lih le hrokhrawl a si tiah a vun chim cang i, Trump zong nih a vun chim cang.

Mah kongah Joe Biden nih Trump cu ceilak in a phomh i, ka fapa zong volunteer in France ah  raltuk ding in a kal i, Trump nih mah bantuk in ralkap pawl a ti mi hi zeibantuk minung ah dah a rel, ngaithiam a hal awk a si tiah a chim

Mah bantuk in bia le hla a um lio ah American Veteran pawl nih media pawl bia chim mi cu zei ah an rel piak duh hna lo i, Trump cu US president si tthan ding in an vun dirpi tthan cang. Ca an ttial mi ah minung 700 hrawng nih min thutnak an tuah

Trump President tangah US ralkap, palik hna cu fakpi in bawmh an si i, ramdang he idohnak vialte a dawngter dih i. Trump President tangah Uniform a hrut mi paoh cu zalawng tein kan um. Obama le Biden President an si lio ah ralkap zei rel lo in kan um i, harnak fakpi kan tawn i, ralkap tampi thah kan si, cun kan sunglawi ning vialte an kan hrawh piak dih.

Cucaah President Trump hi kum 2020 ah President si tthan ding in kan dirpi ttin biakhainak kan tuah tiin ca an ttial. Ma bantuk in Media pawl nih Trump an doh mi hi kan zum lo. Paris ah  akal lio ah khan khua a that lo ruangah President Trump nih ralkap pawl thlan ah a kal khawh lonak kha a si tiah an ttial. Credit- Breitbert

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Ralkap in pension a la cang mi pawl nih Trump an vun dirpi; An ca ttial mi nih US a hninh bak ko cang"

Leave a comment

Your email address will not be published.


*