Ralkap thil tuah mi, kawlram a hninh ngai mi; an Pahnih in ralkap thawnginn ah chia ansi cang

Kawl ralkap pahnih thil tuah mi, tih nung tuk mi, nu pakhat cungah an tuah mi bantuk in an cungah tuah a si ve cang lai. Ralkap si ruangah mah bantuk in mi nu cungah an tuah mi a thei mi poah nih an tih i an lou ngai.

July ni 16 ah, Karen State, Phapung Twonship Pulo Tha ah nu pakhat cu ralkap pahnih nih meithal in thih lak in an kah hna. An kah hnuah a thil an ruk piak. Mah pahnih hna hi July 20 ah an tlaih cang hna tiah thawngthei a si

Pulo Tha khua pawngah um ralkap camp ah ralkap pahnih, Tan soe Lwin le Heng Min Htat nih cun July ni 16 zinglei ah, ralkap nawl lo in meithal pahnih cu an lak i, zu dawr ah zu an ding ti hna. Tan Soe Lwin nih cun dawr ngeitu nu sui cu lakpiak a tim,

dawr ngeitu nu nih a duh lo caah fakpi in an buai, mah bantuk in an buai lio ah meithal cu nih akah i, dawr ngeitu nu cu a thi.

Mah bantuk thil a tlung caah ralkap pahnih cu an tliih, an tlih hnuah July 20 ah ralkap camp ah an va kal than.  Ralkap pahnih hna hi ralkap thawnginn ah chia an si, ralkap dang hmangin an kawng hi ceipiak an si lai tiin ralkap lei hotu nih a chim. Crd-RFA Burmese

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Ralkap thil tuah mi, kawlram a hninh ngai mi; an Pahnih in ralkap thawnginn ah chia ansi cang"

Leave a comment

Your email address will not be published.


*