Ralzam Paletwa khua ah aa dor mi le Sami khua ah aa dormi caah thawngpang tha

Relief and R e h a b i l i t a t i o n Committee for C h i n I D P s (RRCCI) nih Pe-letwa khua ah aa dor mi le Sami khua ah aa dor mi ralzaam hna cu
thilri le a dangdang bawmhnak a voi hnihnak a kuat hna, tiah kan theih. Hi kong he pehtlai in RRCCI Chimphuannak Nawl- ngeitu Mai Nang Wai nih, “Ralzaam hna ca ah bawmhnak kan kuat mi hi atu hi a voi hnihnak a si. May 6 ah kan kuat i, motor zong Mindat an phan cang lai. Kan kuat mi
hna hi kanmah nih Yangon bawmhnak kan hal mi thilri tete facang, chiti, cite, ngapih le piat tibantuk kan kuat hna.

Cun, biaknaklei nih an hlut mi thilpuan a thar he a hlun he, cun belkheng tibantuk zong kan kuat hna. COVID-19 kong he pehtlai in fimchimhnak le thilri tibantuk zong midang nih an kan bawmh mi zong kan kuat hna. Cun, Win Win Organization nih sii-ai zong sing 16 leng man an hlut mi zong Paletwa ah aa dor mi le Sami ah aa dor mi ralzaam hna ca ah kan kuat hna. Hi kan kuat mi hna hi Paletwa le Sami ah phawtzamh a si lai,” tiah a chim.

“Cun, RRCCI nih hin Chin ralzaam hna ca ah cawl-cangh le bawmhnak pek zong kan i tim peng rih. Atu kan kuat mi hna a tam pah ca ah motor
nih a tlum ti lo ca ah a si. Atu lio an herh bik mi cu pa ca ah hni (longgyi) hi a si an ti i, kuat ding zong in zun 1,000 hrawng kan timh cang. A voi thumnak bawmhnak kuat tik ah kuatchih ding in kan timh. Cun, COVID- 19 i runvennak ca ah tiin a herh mi kuttawlnak, hmurhuh, PPE le kuthrolh tibantuk zong com- pany pakhat sin ah bawmhnak pek ding kan pehtlaih cang hna.

Mandalay zong ah thliri kan khonpiak mi hna zong a um i, umkalnak a vun that deuh hin cun kan kuat dih hna lai, “ tiah  ah chimchap. RRCCI nih Chin ral-zaam hna eidin lei, ngandamnak lei le a dangdang lei harnak an ton nakhngalo bawmhnak anpek lengmang hna lawng si loin
C o z a h s i n z o n g a h chimrelpiaknak an ngei, tiah kan theih.

>Hi thawngpang hi The Hakha Post nawlpeknak in kan rak langhter mi a si. Ahohmanh nih duhpoh in i laakchin khawh a si lo

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Ralzam Paletwa khua ah aa dor mi le Sami khua ah aa dormi caah thawngpang tha"

Leave a comment

Your email address will not be published.


*