Ram hruaitu hna hi Coronavirus dohnak kong ah a hmai ah hruaitu ding kan si awk a si- Senator Pacman

A bia chim mi uar um bak ko. Zumtu tha kan ti mi cu mah bantuk hi a si ding a si, Boxing world ah mi tampi nih an uar tuk mi le duh tuk mi, Jesuh a bochan tuk mi le mi sifak caah fakpi in rian a ttuan mi le tangka hmangin mi sifak a bawmh tawn mi Philipine Senator Pacman bia chim mi cu uar um bak ko. Rian ttuantu lungput cu mah bantuk hi a si ding a si.

Boxer Pacman nih a chim bantuk in Coronavirus ruangah an ram Philippines caah tangka tampi le Testing kits caah 50,000 le face masks 700,000 a cawk cu, cu cu siizung inn tampi sin ah a pek hna. Mah kong hi media nih an hal i, Ttih ruangah i thup ding kan si lo.

Hruaitu kan si ah cun hmai hruaitu kan si cun a hmai ah kan kal ding a si, mipi nih kan sinak hi a tak in hmuh hna seh tiin a leh hna. Cun mah bantuk ka tuah mi ruang kapkhat cu mi sifak ka si i, sifak in a thangcho mi ka si caah mi sifak dirhmun cu ka theih tuk mi a si caah mah bantuk in ka tuah mi a si tiin a chim chap.

Sipin, meithat le ralkap i bawm in hakha khuachung biakinn le lam ah lungrul thahnak sii an kah>>>>> COVID-19 Chinram chung ah a karh lo nakhnga Chin Ramkulh chung mibu umnak, biakinn le lam pawl ah rungrul thahnak sii Sipin, Meithat le Ralkap i bawm in an kah tiah kan theih.

“Atu rungrul thahnak sii  kan kah mi a sii hi sii-inn lei nih an kan pek i, Ralkap, Sipin le Meithat zung i bawm in kan kah. Meithat zung lei nih lam kam deuh hi tuanvo an lak. Sipin le Ralkap nih mibu umnak biakinn lei tuanvo kan lak,” tiah Sipin zung riantuan pakhat nih  a chim.

Rungrul sii kah hi 2020 March 29 in an thok i, Hakha khuachung Khrihfabu biakinn a tam deuh cu an kah pah dih cang. 2020 April 1 zong ah Minister Pu Pau Lun Min Thang le Minister Pu Soe Htet telh in RC biakinn le HBC biakinn ah rungrul thahnak sii an kah.

Rungrul thahnak sii kah kong he pehtlai in Minister Pu Soe Htet nih, “COVID-19 a karh lo nakhnga mibu umnak biakinn lei nih sii kahpiak ding in an kan hal a si ahcun kan kahpiak hna lai. Cun, tangka a dih ding mi zong Ramkulh Cozah lei nih tuanvo kan lak lai,” tiah a chim.