Ramthumnak ah um Chinmi an mualpho cik cek; A hleiin USA le Australia ah um mi an si

Chinmi Fim kan cawn pah a hau. Tulio Leng chuak hlah uh anti duhnak hi kan i fiang set rua lo. Inn na um ahcun tulio zawtnak COVID -19 in na him lai tinak asi. A vakmi cu zawtnak ka kawl titu khan i fiang hna u si. Chinmi tam nawn nih hi zawtnak kan ngei ve cang. Rian hmanh tuanlo awk thatlo caah a tuanmi cu zeitiawk tha hlah. Nain rian a tuanmi nak hmanh in inn lak vakmi hi kan hmuh deuh rua ti awk in kan si cang.

Chinmi kan chimh ngaih lo hi aw. Inn um uh tilio ah, Dum thingkung hau hna nan i fial hna, Inn remh hna nan i fial hna, Dum haukulh hna nan i fial hna, BBQ tuah hna nan i sawm hna, Rawlei hna nan i sawm hna. Hihi tha tein khua kan ruah a hau, nangmah ruangah midang harnak va pek hnatu khi asi. Midang zawtnak ngeih dingin nan i sawm hna he a khatmi asi.

Khuaruat deuh hna u si. Ka au cawk tilo hi. Community kan ṭuan hi Mipi caah thiltha chuak seh ti kan duh caah asi. Mi rian na bomh hna kha, na dawt hna asi loin zawtnak kha na va thenh hna he a khat. Mi rian na fial hna kha zawtnak rak i lak uh na tihna kha thei pah tuah uh.

Kha fiangtuk in ka chimh hnu cun, nan i fiang ko lai dah. Fim cawng hna usi, Dam i zuam hna usi. Pathian zong nih nawl ngaih a duh hi philh hna hlah usi. Zawtnak na kawl hnu hna i Pathian sin damnak hal hna kha a dawh lai lo hi. Atang lei a senmi pawl hna kha tuahlo ding antimi hna asi kho kha. Siaherhnak taktak he. Credit- Moses T. Lian

Note:- Mah kong hi a hman mi a si caah  le mi tampi cu an facebook ah live bak in an thla lengmang i, mi tampi khuaruahhar ngai in an tuah hna. Midang rawl ei ding ngei lo i, an buai lio ah live in facebook ah BBQ le an hawi le he caw an ei tih lio live in an vun thla tawn, facebook ah hmuh ding a tam tuk caah ramthumnak ah um mi Chinmi kan thil tuah mi hi thatein ruah tthan tuah hna u si ti saduhthanak a um caah a ttial tu Moses T. Lian hal ta loin kan repost than mi a si

Be the first to comment on "Ramthumnak ah um Chinmi an mualpho cik cek; A hleiin USA le Australia ah um mi an si"

Leave a comment

Your email address will not be published.


*