Russia nih zeitin a lehlai ti zoh si cang; British nih i dohnak ah ka tel ve lai a ti ve cang

Tu lio thawngpang kan thei mi cu lung a mit ko, Kawlram thawngpang si seh, vawlei cung ramthawng bik US le pahnihnak Russia cu Ukraine kongah i tuk kho dirhmun an phan cang. Mah bantuk in thawngpang a um lio ah Bristish zong nih thawngpang a vun ngei ve than i Russia nih Ukraine a tuk ahcun, NATO nih an hriamnam pawl hna cu Estonia, Latvia, Lithuania &Poland lei ah chia an nih tim. Atu hi Britain nih ralkap

Estonia ah a rak chia cang mi hna cu i tuknak a um sual ahcun tiin ralkap 820 a kuat chap hna. An dihlak in

ralkap 1,200 an si cang. Atu hi Poland ah ralkap 140 a chia cang i, cun Ukraine ram ah 100 an kuat cang hna.

British nih a chim ningahcun, Russia nih Ukraine a tuk ahcun Britist nih Ukraine a bawmh lai tiin a chim. Atu thil umtuk ding a dik lo caah NATO nih, Estonia, Latvia, Lithuania & Poland aralkap tampi a kuat chap hna lio a si, The Times nih a langter ning ahcun, Ministry of Defence nih i tuk ah um sual ahcun caan tlawm pal ah ralkap tampi kuat kho ding in an nih tim tiin a langter NATO Secretary General Jens Stoltenberg nih

CNN sin ah a chim ning ahcun, a tu hi NATO ram pawl nih Russia sanctions nak ding in thil an tuah lio a si tiin a chim. Cred-RTK

Kawlram thawngpang dang….Magway ramṭhen, Myiang peng chung ah kutin cawh mi zii-nan(oil) umnak hmun

pawl cu nihin January 23 zingka ah mei in an khangh, tiah mipi vengtu ralkap hruaitu pahnih sin in theih a si. Myiang le Pauk peng kar ah a um mi Ciatsuaing le Tayetkan zii-nan i a chuahnak hmun cu ralhrang 300 hrawng nih an luhhnawh hna i zii-nan khor a ngeitu pawl phaisa 200,000mmk in 300,000mmk kar cio an hal hna. Phaisa a pe lo mi zii-nan

khor ngeitu pawl an zii-nan khor cu mei in an khanghpiak hna, tiah Myiang-PDF hruaitu pakhat nih a chim.

Zii-nan khor khangh kong a chimtu PDF hruaitu pakhat nih cun, “Cuka hrawng i zii-nan an chiahnak

hmun le khor pawl cu mei in an khangh hna. Zii-nan khor le an inn zong aa naihte hna. Zeizat dah an khangh cu fiang in kan thei rih lo,” tiah a chim. Ralhrang nih an khangh ruangah Tayetkan zii-nan umnak hmun pawng ah an khawn cia mi zii-nan Gallon 500-1000 hrawng an chiahnak hmun pathum cu a rawk, tiah

Myiang-PDF rianngeitu Khun Chiah nih Myanmar Now ah a chim. “Atu tiangah ziinan an khawnnak

hmunthum cu a kaang dih cang. An kan hal mi phaisa kan pek hna zong ah a hnu deuh a ra mi nih an kan hal ṭhan i kan pek hna lo ahcun an khangh ko,” tiah zii-nan khor ngeitu pakhat nih a chim. Myiang peng nitlaklei ah a um mi, Kyouk-Kuat zii-nan umnak hmun zong kan hnu lei zarh chung ah phaisa 100,000 an hal ve hna i a pe lo mi zii-nan khor 30 hrawng mei in an rak khangh, tiah theih a si. Cre-TCP