Salai Lairamthang USA um mi nih, minak nih buainak an tuah mi kong le tu lio USA politik kong a ttial mi cu Chin mifim le keimah a ti mi le Democrat thazang a pek mi caah cun el awk ding um hrim lo

Ruah Chuk Cho..

1. Minak pa, a thimi, Goerge Floyed timi pa kha, thilfir, rit-hai sii, phaisa fir, fa pawi nu meithal i a hmuahchih i, a thil chuh, mi inn bauh le damiah taih ruangah thong kum 10 tluk a tla balmi a si. A hnu bik kha phaisa deu ruangah an tlaih thanmi a si.

2. Tulio ah a laar ngaimi, conservative minak nute, Candace Owens nih George Floyed kongah a chimmi cu, “Zei paoh va cang ai kun, misual pa in hero bantuk ah an canter cu a hlan kum 10 chung duh tawk in a sualnak cu kan caah fashion show bantuk ah a cang” a ti. Minak pawl caah kan hero a si kho lo a ti.

3. President Trump nih virus ruangah kan phih le kan kharmi hi zulhphung kan tuahmi zulh bu in kan on ding a si cang a ti lio ah, democrats pawl nih on ding a si rih lo, Coronavirus ttih a nung tuk an ti i on an duh lo, an i chang. Asinain tutan sandah piah ah lengchuah a thawng bikmi le mibu in a vakvaimi hna hi democrats deuh lawngte an rak si.

4. Donald Trump thimfung ka thla lai lo tiah a hrocer mi Republican hruaitu cheukhat pawl le president hlun pawl hi 2016 thimnak lio zongah Donald Trump thimfung a pe duh lomi lawngte an rak si. Anmah thimfung tel loin President a thling ko. President hlun an si ruangah thimfung pahnih an ngeih hlei lo. Thimfung pakhat telawng an ngei ve ko.

5. 2016 US President thimnak ah CNN le Main stream media pawl nih opinion poll atu le atu an rak tuah bal le Hillary Clinton cu teinak an rak coter peng. Mah cu Laimi mifim tiah kan ruahmi hna zong nih an rak i lun. Asinain thimnak caan a phak taktak i thimfung an thlak ahcun Donald Trump nih a tei thiamthiam hna.

Tukum zong opinion poll a phunphun a chuak rih lai i, Joe Biden kha teinak an coter peng rih lai. Asinain November 3 President thimnak ah conservative tarnu tarpa tthiangthut he an rak chuak te lai i Donald Trump cu thimfung an bungh hnawh than lai i, teinak a co tthan te lai.

6. Tutan sandah piahnak ah, biakinn an khanghmi, inn an bauh, inn an khangh mi le motor an duah ruangah dai tein a ummi mirang pawl an thin a phawh chinchin hna ruangah Donald Trump tu thimfung a hlei in a chap te lai tiah ka ruah.

7. Chin party CNLD nih an party aiawhtu ding candidate thimnak ah peng hruaitu hna biachahnak lawng in thim an timh hna lio ah NLD party nih cun khuanu khuapa upatmi hna an sawm hna i, NLD party aiawh in MP a cuh dingmi an thim hna lai.

8.Norwegian scientist minthang Birger Sorensen nih coronavirus cu amah tein a chuakmi Virus si loin Tuluk pawl nih lab ah an ser chommi virus a si tiah a chim. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor