Salai Lungthli Tum nih a Pu. Zo Bawi cu NLD CEC lei nih Pyithu Hluttaw ah an chia i, an zum lo ning kong a ttial mi

Chinram NLD candidate cazin an thanh, EC thim ning tein Pi Ni Sui Lian le Pu Sui Thio zong an i tel ko. Pu Tial Ling le Pu Zo Bawi belte an hmunhma an thlen hna, Pu Zo Bawi hi Pyithu in aa cuh than lai, Pu Tial Ling hi Pyine in aa cuh ve lai.

Pu Zo Bawi hi Hakha peng dihlak a huapmi Pyithu Hluttaw ah aa cuh lai caah a har pah lai, zuamcawhtu ah a thawng bak vemi Pu Ngun Maung le Pu Robin an si.

“Pu Tial Ling khi cozah hruainak lei ah experience a ngei ngaimi a si i Suu Kyi nih CM tuan ding ai tlak tiah a ruah caah a si lai dah ka ti, keimah ruahnak sawhsawh”

CNLD phu nih Chim lo ding lih chiahru pahnih.. Chin party CNLD ca ah cozah ser khawhnak lam a um lo, ‘cozah kan ser lai’ an ti ahcun lih an chim a si. Cozah sernak a herhmi Pyine MP 13 an ngah kho lai lo, pohmah 261 nih a kham fawn hna.

Cun, ‘federal ram kan ser lai, Kawlmi uknak in kan in luatter hna lai’ an ti ahcun lih chiahru taktak an chim tinak a si fawn. NLD hmanh nih an remh khawh lomi 2008 Constitution khi CNLD nih a remh khawhnak ding lam a um bak lo.

Nain, CNLD cu kan uar pek uar lo pek ah Chin aiawhtu party pakhat a si, an sung dih ahcun Chinmi kan limhang a zor lai. Hluttaw ah opposition an um lo ahcun cozah eihmuar a tam kho. CNLD an thawn pah ve cu a hau, nain rumro in Suu Kyi a dohtu an si lo a biapi ngai ve. Suu Kyi le Gen. Aung San hna an doh tawn ah khin cun ‘mah hngal lo’ an sinak a lang tawn.

Hluttaw chung in dothlennak cu Suu Kyi nih a kan hruai lawng ah teinak ‘federal ram’ kan phan kho lai. Party hmete CNLD bantuk nih nanmah te in federal kal hnawh u law nan thih tiang nan hmu kho lai lo, 100% a fiangmi a si. Credit-Salai lungthli tum

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Salai Lungthli Tum nih a Pu. Zo Bawi cu NLD CEC lei nih Pyithu Hluttaw ah an chia i, an zum lo ning kong a ttial mi"

Leave a comment

Your email address will not be published.


*