Salai Lungthli Tum nih “Chin Party cozah an ser khawhnak lam a um bak lo” a ti ko cang

Chin party cozah an ser khawhnak lam a um bak lo..Chin State Hluttaw ah MP hmun 24 a um, cozah ser khawh ding ah MP 13 a herh. Ralkap nih 6 an lak cia. I cuh ding 18 a tang. Paletwa hmun 2 khi an i cuh kho lai maw a fiang lo.

Chin party CNLD khi Tonzang le Tedim peng ah an thawng lai lo, MP 4 cu NLD or Zomi party nih an lak lai. I cuh ding 18 ah 4 zuh ahcun 14 lawng bak a tang.

Kawlmi tamnak Kanpalet ah CNLD an thawng lai lo, NLD nih hmun 2 ah 1 cu an lak hrimhrim. Mah pakhat cu zuh rih ahcun 13 lawnglawng bak a tang.

CNLD an thawn deuhnak ding Hakha, Thantlang, Mindat, Matupi, Falam le Paletwa(thimnak um lai maw a fiang lo) ah State MP hmun 12 lawng a um. Hi hmun 12 dihlak in CNLD nih an lak dih khawhnak ding lam a um bak lo. State Hluttaw nih chief minister thimnak nawl hmanh ngei sual sehlaw CNLD nih cozah an ser khawh ding cu a si kho rih lomi a si.

CNLD candidate pakhat khat nih Chinram cozah kan ser lai a ti ahcun zumh ding a si lo, lihbia a chimmi a si.

Cozah an ser khawh lai lo nain MP an tlin ve ahcun mipi caah a tha ngai ve ko, Hluttaw chung in cozah an au hnawh khawh lai. Cucu democracy ram ah a herh ngaimi zong a si. Credit- Salai Lungthli Tum

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Salai Lungthli Tum nih “Chin Party cozah an ser khawhnak lam a um bak lo” a ti ko cang"

Leave a comment

Your email address will not be published.


*