Saya David Lah kongah thawngpang diklo a tam tuk caah Ministry of Social Affair President U Nyega Lin nih fiangte a chim

 

David Lah Home Quarantine kongah thawngpang diklo mi a tamtuk caah Yangon Region, Ministry of Social Affairs and Region’s COVID-19 Emergency Response Committee President U Nyega Lin nih mipi sin ah thawngpang a hman mi a chim

Pathian thawngtha chimtu lar David Lah cu Home Quarantine in Hotel in a chuak cang bantuk in mi tampi nih an chim. Mah kongah hi a hman lo mi le David Lah hi hotel hin a chuak lo tiin Yangon Region, Ministry of Social Affairs and Region’s COVID-19 Emergency Response Committee President U Nyega Lin nih a chim

 U Nyega Lin niih cun “mi tampi nih an chim mi, hotel in David Lah cu a chuak cang, an ti mi cu a dik lo mi a si. David Lah hi thatein ven a si. Cun a umnak hotel zong tha tein palik nih an ven peng i, Hotel in a chuak hnu zong ah phunglam bantuk in a kong hi cei a si lai tiin a chim

David Lah hi siizungah a um chungin test voihnih an tuah hnuah a negative caah  City Hotel ah Quarantine in chia a si. May ni 19 hnuah hotel in a chuak  khawh lai tiin a chim. David Lah  kongah hin thawngpang diklo mi tampi thei ding a um tawn i, Cananda cozah nih Myanmar ram chungah a um mi, Canada mi hna cu a lak lai i, ka hin David lah a tel ve tiah thawngpang hna cu Ministry of Foreign Affairs nih a hman lo mi lawngte a si tiin a chim Credit- The 7Day news

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Saya David Lah kongah thawngpang diklo a tam tuk caah Ministry of Social Affair President U Nyega Lin nih fiangte a chim"

Leave a comment

Your email address will not be published.


*