Saya David Lah lawyer nih a chim cang; Pathian nih David Lah dripi hram ko seh

Zumtu hna fakpi in thlacam bawmh hna u sih. Ramkip ah um zumtu hna, Pathian sin ah Saya David Lah caah fakpi in thlacam piak hna u sih tiah kawlram zumtu tampi nih thlacam sawmnak an tuah thluamah cang. Kawl pawl nih fakpi in an soisel ning le an tuah ning cu thei dih si ko cang.

Minung tlamgtling mi kan um lo caah zeibantuk thil a si zongah zumnak ah kan unau a si mi Saya David Lah cu Jun 2 ah, thawnginn ah chia a si lai maw si lai lo ti kong ceinak ngei a si cang lai caah fakpi in thlacam piak hna u si

Pathian thawngtha chimtu Saya David Lah le U Wai Htun cu July Ni 2, Mayangon Township biaceinak zun ah an kong cei a si tthan lai, mah ni ah hin thawnginn ah chia an si lai maw si lai lo ti biakhianak cu tuah a si lai.

Tuni Mayangon Township ah report a tuahtu lei nih thil sining fiangtein an chim hnuah David Lah lei nih fiangtein an chim ve hnuah court hearing cu dawngter a si

Saya David Lah’s Lawyer U Aung Kyi Win nih a chim ning ah cun, ” Zeibantuk dirhmun kan phan lai ti cu June 2 ah fiangtein thei a si lai, Lungretheinak pakhat hman a um lo tiah a chim

Tu nih ah biacei zungah Say David Lah kong an cei mi hi voi 8 nak a si cang. July ni 2 ah biakhianak tu an tuah cang lai tiah thei a si. Saya David Lah hi minung 25 nih report an tuah mi a si. Source- DVB (Credit-Thengephezipost)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Saya David Lah lawyer nih a chim cang; Pathian nih David Lah dripi hram ko seh"

Leave a comment

Your email address will not be published.


*