Senate Judiciary Committee ah Democrat Senator an mualpho; Justice Amy nih ceilak in a phomh hna

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

President Trump nih US supreme Court Judge caah a duh mi le a thim mi, SCOTUS Amy Barrett cu ni 2 nak ding caah Senate Judiciary Committee hmaiah bia halnak tuah tthan a si. Senator 22 nih bia halnak an tuah. Democrat Senator pawl nih Obamacare/abortion/Affordable Care Act or Roe v. Wade kongah ah bia halnak tampi an tuah

Mah bantuk in Democrat Senator pawl nih bia halnak an tuah mi cu thatein Amy nih a leh duh hna lo. Cun Same Sex Marriage kong an hal mi zong thatein a leh duh hna lo.

A chim mi cu, Judiciary Committee nih ka cungah zumnak ngei seh ti ka duh. Election/politic idohnak caah nan ka hmang ding mi hi ka duh lo. President Trump nomination ka si ruangah amah dirpi ding mi ka si ti le hmangruah ka si tinak a si lo

Committee poah nih nan ka thei piak ding mi ka duh mi cu, a ho hman thleidannak ngei ding in signal ka pek bal lo. Midang thazang pek ding in ca ttial in ka tuah bal lo.

Supreme Court, Justice Ginsburg zong kha amah ruahnak lawng in Supreme Court ah rian a ttuan hlei lo. Midang ruahnak zong a hal tawn ve ko. Nan ka cohlan a si a cun, Election ruangah buianak a um a cun, serious ngai in rian ka ttuan lai

Catholic zumtu ka si ruangah left pawl a doh lai ti nan ka hmuh ti zong ka thei ko. Natein a caan le hmun ah cun catholic faith cu ka kaltak khawh ve ko. Career ka ngei, chungkhar ngantuk mi ka ngei. Multi racial family ka ngei.

Ka zumnak cu ka caah a herhtuk mi a si, ka duh cu ka thim khawh. keimah pumpak thil/personal life mi hi duhthimnak tuahnak caah ka hmang bal lo.

Ka chungkhar kong hi a dik lo le a hman lo in an chim lai i, ka zumnak ah ka tlaih mi hi keimah dohnak caah nan ka hmang lai ti cu ka thei cia mi a si tiah Democrat senator pawl cu ceilak in a leh hna. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Senate Judiciary Committee ah Democrat Senator an mualpho; Justice Amy nih ceilak in a phomh hna"

Leave a comment

Your email address will not be published.


*