Senator Jim Jordan nih Trump cu ” Ka sungh ti cohlan hrim hla” tiah a forh mi nih US mipi a lauter ngai

Chinpage nih a tim bik mi cu thawngpang dik lo mi karlakah thawngpang a dik mi le a hman mi Chinpage reltu sin ah theiter le tial hi ka tim bik mi a si. Nifatin US thawngpang 4/5 na rel  khawh peng nak ding caah Chinpage hi Follow/Like tuah ding in kansawm hna

Mah hi Newsmax nih Trump nih ka sungh ti a cohlan lai maw lai lo ti statement an tuah mi kong ah Jim Jordan nih a leh mi le thil sining a chim mi a si.

Jim Jordan hi conservative nih an uar tuk mi a si. Senate committee ah a bia le hla an uar ngai mi, mi nih an zoh duh ngai mi le upat ngai mi a si. Senate Committee hearing ah bia halnak a tuah mi le leh nak a tuah tawn mi ruangah a lar ngia mi pakhat a si

Jim Jordan nih a chim ning a cun Trump nih a sungh ti hi a cohlan ding a si lo, tiin a chim. Trump hi a sungh hrim lo, Teitu  a si tiin a chim. Trump kong a chim ning a cun;

Amah hi President, America mipi sin ah a chim ning bantuk in a tuah lengmang tawn mi a si. A chim mi poah tlam a tlingter peng mi minung a si. Atu mah bantuk in buainak a um mi zongah a chim ning bantuk a si than te ko lai,

buainak vialte hi a phising than hoi lai i, mah hi US ram caah sunglawi tuk mi zohchun awk /example thil a si than lai tiin Jim Jordan nih a chim. A chim than mi cu atu election ah thil diklo tampi a um ti mi cu kan chuahkehpimi lungthin nih a thei dih ko cu tiin Newsmax ah a chim.

Jordan, republican member of the House Judiciary Committee ah a tel mi nih,  Trump a cawlh cang ning cu a tha ngai, Democratic nawl ngeihnak a teinak tampi a hmuh  tiin a chim than. 27 state ah hninhsaih ngai mi ah 27 teinak kan hmuh, Hispanic America vote a ngei mi nih Trump cu an duh chin lengmang,

State legislature ah republican nih nawlngeinak an rak ngeinak pakhat hman kan sungh lo i, mah lawng cu si lo, state legislature ah kan member tu kan nih chap thin lengmang tiin a chim.

 

Khing aa oih i a hawile a hruaitu hna Counties 20 ah 19 teinak a hmuh, tu hi lawsuit pending mi a tam. Zeidah a law lai ti kan zoh lai, Mah vialte hi kan ram US hmailei thatnak caah a si lai tiah Jim Jordan nih Newsmax interview nak ah a chim.

Kum 2016 nak in 2020 ah Trump nih vote 12 million leng in a hmuh tam deuh. Vote hmuh tam deuh in a sungh mi president an rak um bal lo tiah a chim. Source-Newsmax

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Senator Jim Jordan nih Trump cu ” Ka sungh ti cohlan hrim hla” tiah a forh mi nih US mipi a lauter ngai"

Leave a comment

Your email address will not be published.


*