Sidney Powell nih Trump sin ah hmang ding in a ti mi cu tih nung bak cang. US cu a buai tuk cang ko hi

Chinpage nih a tim bik mi cu thawngpang dik lo mi karlakah thawngpang a dik mi le a hman mi Chinpage reltu sin ah theiter le tial hi a si. Nifatin US thawngpang 4/5 na rel khawh peng nak ding caah Chinpage hi Follow/Like tuah ding in kan sawm hna

Cirtcuit, State court le US court nih Trump lawsuit kong an ceih piak duh lo ruangah US ram chungah heh tiah buainak a chuak.

Washington rally ah namte in i chunh nak tiang a tlung i, minung 4 cu siizung ah serious ngai in an um. (Fiantein Chinpage ah ka ral tial cang kha)

Dominion voting machine a dik lo ning heh tiah tehte he an langter buin Trump lawsuit pawl cu ceih piak duh an si lo. Trump sihni le Trump supporter pawl an celh bak ti lo.

Sydney Powell, Trump caah heh tiah rian a tuan ve mi nih President Trump cu full power/Ngawlngeinak vialte hmang ding in a ti cang

A chim ning a cun tutan Election ah ramdang mi an nih thlak ti fiangtein thei a si cang, natein Court nih zeihman an ceih duh lo. Mah vialte hi tehte kan ngei dih. Atu cu na tuah ding mi na tuah a her cang

A tlaih hlan ah na nawlngeinak hi na hmang a her cang, atu cu emergency power na hmang a her cang. Mah bantuk a si lo a cun thil dik lo mi vialte hi an hlawn dih lai i,

A hnuah cun thei kho a si ti lai lo tiin Trump sin ah a chim. Atu hi na caan tha a si, mah bantuk caan tha a ah na fullpower na hmang aherh cang tiin President Trump cu veto power hmang ding in heh tiah a forh cang tiin the epochtime nih a tial

Comment ah mi tampi nh atu cu bomb cu a puak cang lai, US pasal tha hna rak tho cang u, tiin heh tiah comment an tuah.

Tutiang thil sining zoh a cun Martial Law/ Veto power hmang hi Trump nih a duh lo ngai ti a fiang, natein zeidah law lai ti cu mi tampi nih an zoh lio mi a si. Source-Theepochtime

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Sidney Powell nih Trump sin ah hmang ding in a ti mi cu tih nung bak cang. US cu a buai tuk cang ko hi"

Leave a comment

Your email address will not be published.


*