Spain caah cun a fak tuk cang!! Mitthli he an nih cia ko. A thimi an tam ning hi zoh ngam zong si ti lo

Coronaviru ruangah mi tampi cu nupi he fa he, chungkhar ah thatein um kho loin Isolation, Quarantine ti bantuk in le cun hawi le he kut i tlaih kho lo tiang in muinak khur ah a kan lut pi cang. Spain ram cu zaangfah an si tuk cang, an caah cun afak  tuk hrinhrang ko. Atu hi mi 9,053 an thi cang. Spain ram ah hin ni 2 chung; nithum ni ah mi 864 an thi i, cun Nili nih ah mi 949 an thi.

Zaangfah an si tak tak. An khua cu muinak in a khat ko. Suimilam 24 chung ah coronavirus a ngei thar mi 7719 bak an phan. Mah zawtnak a ngei mi hi an dihlak in 102136 an si cang. A thimi an tam tuk tawn caah mitthi vuinak thlan cawh loin Cement box chungah mithi hna cu an chia tawn cang. Spain hi March 13 in lockdown tuah a rak si cang

Death rate hi a sang ngai cang i. Madrid khualipi ah a thi mi an tam bik i. minung 3,865 an thi cang.  sports centers, libraries & exhibition halls hna cu recovery hospital an let thluamah ko. Nikhat ni le Nihnih ni (monday-Tuesday) ah France ah suimilam 24 chungah mi 499 bak an thi ve i, total case hi  52,128 a si ve cang.

USA thawngpang. A thi tambik state hna hi zeiruangah dah si lai tiah mi tampi lungput ah bia halnak a um peng mi cu>> USA state 10 ah mah bantuk in Coronavirus zawtnak a ngei mi an tam ning le a thimi an tam ning kong an chim mi hi thil a hman mi le a si kho mi a si. Coronavirus ruangah kan vawlei ramkip cu muinak khur ah a um cang. Ram tampi cu mah coronavirus ruangah lockdown tuah a si.

Mah lockdwon ruangah Chin mi ramhnihnak ah um mi cu fakpi in harnak an tawng thluamah lio a si. Malaysia le India ah um mi caah cun ngaichia bak a si cang. Coronvirus ruanga a thimi le mah zawtnak angei mi hna dirhmun cu, Zawtnak a ngeih mi hi minung 935,000 an phan cang i, a thimi hi zat 47,000 an si cang- Johns Hopkins University tally.

US dirhmun cu, zawtnak a ngei mi zat hi 211,000 an si cang i, a thimi zat hi 5110 an si ve cang. April ni ah khan USA ah suimilam 24 chungin mi 1220 bak an thi ti a si. US hi ram thi ti khawh ngai mi a si nain mah zawtnak case a ngei tam bik an si cang i, a thimi zong an tam chin lengmang cang. Mah zawtnak a ngei tambik le a thi tambik state hna hi an chim ning ah cun Pathian zum lo tu, nauhrawh poi ti lo state le, nu le nu pa le pa duh poh in um nak state lawngte a si tiin chim a si.